"Minoritetet", Pavlopulos: Shqipëria po dëmton vetë anëtarësimin në BE
Ligji për pakicat, Athina: Përjetëson arbitraritetin e regjimit të Hoxhës "Prishtina e Tirana, sjellje të aventurizmit ndërkombëtar"
Qeveria greke "kërcënoi" dje, qeverinë shqiptare sërish me hapjen e negociatave. Pas votimit në parlament të ligjit për pakicat, Ministria e Jashtme greke reagoi përmes zëdhënësit të saj, Aleksandros Gjenimatas. "Në vend që të sigurojë të drejtat e pakicave në vend, bazuar në standardet europiane, projektligji që votoi parlamenti shqiptar mbi mbrojtjen e minoriteteve përjetëson abuzimet e regjimit të Enver Hoxhës. Ky është një hap përpara për pakicat reale dhe joekzistuese dhe një hap prapa për minoritetin kryesor dhe ekzistues të Shqipërisë", thuhet në deklaratën e Ministrisë së Jashtme greke.
Ndërsa nga Korfuzi, në përurimin e muzeut të politikanit të njohur grek të shekullit XVIII, Ioannis Kapodistrias, presidenti grek Prokopis Pavlopulos ka lëshuar një tjetër deklaratë të fortë ndaj Shqipërisë, madje kësaj here ka përfshirë edhe Kosovën. Pavlopulos ka akuzuar Tiranën dhe Prishtinën se po sillen si "aventurierë ndërkombëtarë", dhe ka shtuar se "Shqipëria dëmton vetë procesin e anëtarësimit në BE". Pavlopulos i bëri këto deklarata të dielën paradite në Korfuz, ku u inaugurua muzeu i Joanis Kapodistrias, guvernatori i parë i Greqisë pas çlirimit nga zgjedha osmane. Ai tha se "Kapodistrias ka dy karakteristika: vizionin dhe respektimin e plotë të së drejtës ndërkombëtare. Kjo na frymëzon ne grekët, por duhet të frymëzojë edhe ata që aspirojnë të futen në BE". "Dhe këtë e them kryesisht për Shqipërinë fqinje, vendin me të cilin duam gjithmonë të kemi marrëdhënie të mira, dhe që e mbështesim në procesin e anëtarësimit", - tha presidenti grek. Duke marrë shkas