Masakra në Lushnjë, atentatorët mund të jenë ndihmuar nga policia
Ministri Xhafaj paralajmëroi ndjekje penale, ja 3 rrugët ku mund të jenë larguar autorët Dëshmitarët: Shoferi mbante në dorë radiomarrëse
Pas masakrës së Lush njës, ministri i Brendshëm Fatmir Xhafaj paralajmëroi gjatë një vizite- blic se do të ketë largime dhe ndjekje penale për efektivët që dyshohet se kanë ndihmuar autorët të largohen nga vendngjarja. Dëshmitarët kishin parë që njëri nga atentatorët, i cili qëndronte në timon, kishte radio policie në dorë. Duket se vizita- blic e ministrit të Brendshëm Fatmir Xhafaj dhe numrit 1 të Policisë së Shtetit, Haki Çako, e zhvilluar mbrëmjen e së shtunës në komisariatin e policisë së Lushnjës, ka pasur një motiv të fortë, raportoi "ABC News". Ekzekutimi i tipit mafioz në qendër të qytetit dhe shumë pranë komisariatit të policisë Lushnjë të Zamir Latifit dhe Jurger Hoxhës, ka krijuar dyshime se tre atentatorët mund të janë ndihmuar ose favorizuar nga uniformat blu, pasi këta të fundit nuk reaguan në kohë. Për këto dyshime, ministri Xhafaj ka paralajmëruar se do të ketë largime dhe ndjekje penale për efektivët e policisë që janë të përfshirë në afera të pista, duke paralajmëruar largimin e tyre nga puna. Këto dyshime përforcohen edhe më shumë, pasi dëshmitarët kanë deklaruar se në vendngjarje kanë shquar se atentatorët ishin Laert Haxhiu dhe Oreges Bilbili, ndërsa drejtuesi i automjeti tip "Mercedes- Benz" që largoi nga vendi i krimit vrasësit mbante në dorë një radiomarrëse, si ato të policisë. Ky person vijon ende të mos jetë zbuluar nga uniformat blu, por nuk përjashto- het mundësia e përfshirjes edhe të shumë njerëzve të tjerë në atë ngjarje kriminale që tronditi gjithë qytetin. Ndërkohë, pak pas masakrës së Lushnjës, e ndodhur më 11 tetor, autorët e kishin menduar mirë se si do t'i shpëto- nin ndjekës së policisë. Ata dogjën automjetin në rrugën Lushnjë- Berat, në vendin e quajtur "Çukas i Vjetër", ndërsa u gjetën dhe tri armë zjarri. Vrasësit jo rastësisht kishin zgjedhur atë pikë për të humbur gjurmët. Sipas policisë, tri janë rrugët nga ku mund të jenë larguar Laert Haxhiu e Orges Bilbili dhe miqtë e tyre. E para që të dërgon drejt rrugës nacionale për te Ura Vajgurore e pastaj në qytetin e Beratit. E dyta nga fshati Tashkëz, drejt
Krutjes së Poshtme, e më pas humb ndjekja, pasi ka shumë degëzime rrugësh. Dhe pista e cila po monitorohet imtësisht nga uniformat blu është nga fshati Cërraga, rrugë që lidhet me zonën e Dumresë, e më pas shkon në Belësh e përfundon në Cërrik. Prej katër ditësh, autorët e masakrës së Lushnjës janë personat më të kërkuar në vend, duke angazhuar të gjitha strukturat e Policisë së Shtetit për kapjen e tyre.