Vrasja e Çollakut, eksperti: Të dhënat e GPS së makinës së Shtrazës mund të jenë fshirë
Avokati Alban Qafa: Fshirja mund të jetë bërë gjatë kohës që mjeti ishte nën ruajtjen e policisë "Një pjesë e të dhënave u nxorën nga karta memorizuese"
Ekspertiza gjermane e pajisjes lokalizuese të makinës me të cilën dyshohet se lëvizte Denis Shtraza mbrëmjen e rrëmbimit dhe vrasjes së Gazmend Çollakut është bërë objekt debatesh të forta mes palëve në proces. Në dokumentin që disponon "News24", specialisti ngre dyshime për fshirjen e të dhënave të GPS- së së automjetit luksoz. Eksperti sqaron se një pjesë të të dhënave ka mundur t'i nxjerrë jo nga pajisja lokalizuese, por nga karta memorizuese e tij, çka sipas tij ka shumë mundësi që të dhënat e GPS- së të jenë fshirë. Avokati Alban Qafa pretendon se fshirja mund të jetë bërë gjatë kohës që makina ishte nën ruajtjen e policisë, dhe e konsideron këtë si një tentativë për të manipuluar provat. Për këtë, mbrojtësit e të pandehurit këmbëngulën në pyetjen e ekspertit gjerman, kërkesë e cila u rrëzua nga Gjykata për Krime të Rënda. Në fakt, pasi eksperti shqiptar nuk ishte në gjendje të lexonte të dhënat e plota dhe të përcaktonte vendndodhjen e automjetit natën e ngjarjes, edhe prokurori kërkoi pyetjen e specialistit të huaj, por më pas u tërhoq. Denis Shtraza është i vetmi i akuzuar për rrëmbimin e 40- vjeçarit Çollaku, i cili, pasi u torturua, u vra dhe u hodh anë rrugës, në Murqin të Krujës, i lidhur këmbë e duar.
NGJARJA
Gazmend ( Laert) Çollaku u rrëmbye më datë 06.01.2016. Ai ndodhej i ulur në një lokal në Durrës kur u fut me forcë në një makinë nga 4 persona. Sipas prokurorisë, dy prej tyre ishin shtetasit Denis Shtraza dhe Ervin Dalipaj. Ndërsa mëngjesin e 7 janarit, Çollaku u gjet i masakruar dhe i vrarë në fshatin Murqin të Krujës. Po ashtu, ndaj Shtrazës dhe Dalipajt ( i vrarë) u ngritën akuzat për veprat penale "Rrëmbim ose mbajtje peng të personit, e paraprirë ose e shoqëruar me tortura fizike dhe kur është shkaktuar vdekja e tij", e kryer në bash- Ish- shefi i Krimit Ekonomik në Tiranë, Ervin Dalipaj dhe miku i tij Juxhin Dauti u vranë pasditen e 25 prillit të këtij viti në afërsi të vendit të quajtur "Mbikalimi i Sukthit". Ata ishin duke udhëtuar me një automjet tip "Audi" me targa AA 111 OI, kur u qëlluan për vdekje me 32 plumba kallashnikovi nga persona ende të paidentifikuar që lëviznin me dy mjete të ndryshme, me një "Audi A3", dhe një "BMW X5" me ngjyrë të zezë.
këpunim, "Prodhim dhe mbajtje pa leje të armeve luft-
arake" dhe "Mbajtje pa të drejtë të uniformës".