Partitë shqiptare të përçara në votime, Ali Ahmeti: BDI do të fitojë
Maqedonia votoi dje për pushtetin e ri lokal Gara në vend zhvillohet për komunat
Në Maqedoni u zhvil luan dje, zgjedhjet për pushtetin e ri lokal në 80 komuna dhe në Shkup, si njësi e veçantë e pushtetit vendor, i cili në përbërjen e tij ka dhjetë komuna, dy prej të cilave janë me shumicë shqiptare. Të drejtën e votës e kanë 1.814.644 qytetarë, të drejtë që mund ta realizojnë në 3480 vendvotime. "REL" raportoi se në garën për të parin e komunës morën pjesë 260 kandidatë të 19 partive politike dhe të koalicioneve të ndryshme, përfshirë edhe kandidatë të pavarur. Zgjedhjet u organizuan dhe realizuan nga Komisioni Shtetëror i Zgjedhjeve, i cili bëri thirrje për proces demokratik zgjedhor. "KSHZ- ja kërkon nga të gjithë pjesëmarrësit në zgjedhje, nga administrata zgjedhore, partitë politike, qytetarët, që të sigurojnë zgjedhje korrekte dhe demokratike, duke respektuar Kushtetutën dhe ligjet në fuqi. Qytetarët presin nga KSHZ- ja dhe nga administrata zgjedhore të sigurojnë zgjedhje korrekte dhe demokratike, të cilat janë kusht për përparim të mëtejshëm të Republikës së Maqedonisë", - ka deklaruar kryetari i KSHZ- së, Aleksandar Çiçakovski. Beteja kryesore në këto zgjedhje zhvillohet mes dy blloqeve politike maqedonase dhe shqiptare; te partitë maqedonase mes LSDM- së së kryeministrit, Zoran Zaev në pushtet dhe VMRO- DPMNE- së opozitare, të cilat në zgjedhjet e fundit parlamentare në dhjetor të vitit të kaluar kishin një rezultat thuajse të barabartë, me dy mandate më shumë në favor të partisë së ish- kryeministrit Nikolla Gruevski. Dy partitë forcat i kanë përqendruar në Shkup, që përbën thuajse gjysmën e trupit zgjedhor, por edhe në qytetet e tjera më të mëdha, si në Manastir, Kumanovë, Prilep, Shtip, Strumicë dhe Ohër. Te partitë shqiptare beteja zh- villohet mes BDI- së, që është pjesë e pushtetit qendror, dhe dy partive opozitare, Lëvizjes Besa dhe PDSH- së, por edhe Aleancës për Shqiptarët, e cila, megjithëse është në koalicionin qeveritar, edhe ajo në këto zgjedhje sfidon BDI- në. Kreu i BDI- së, Ali Ahmeti ka deklaruar se shqiptarët janë të përçarë, por pavarësisht kësaj ai ësh- të i bindur se partia e tij do të fitojë shumicën e komunave shqiptare. Gara kryesore mes partive shqiptare zhvillohet për Çairin ( komunë e Shkupit), Tetovën, Gostivarin, Strugën, Dibrën dhe rreth dhjetë komuna të tjera rurale. Në Kërçovë, nga partitë shqiptare merr pjesë vetëm kandidati i BDI- së, pasi partitë e tjera janë tërhequr nga gara për të mos rrezikuar - siç kanë thënë këtë - që të humbet nga shqiptarët. Zgjedhjet zhvillohen në dy rrethe zgjedhore, por ato mund të përfundojnë edhe me një rreth nëse ndonjëri nga kandidatët fiton mbi 50 për qind të votave; në të kundërtën, dy kandidatët me më shumë vota kalojnë në rrethin e dytë, që mbahet pas dy javësh. Procesi zgjedhor mbikëqyret nga rreth 5 mijë vëzhgues vendorë dhe rreth 400 të huaj. Numrin më të madh të vëzhguesve e ka asociacioni qytetar "Most", rreth 2500, që do të mbulojnë 50 për qind të vendvotimeve. Procesi zgjedhor do të zhvillohet nën masa të shtuara sigurie. Nga Ministria e Punëve të Brendshme kanë bërë të ditur se të gjitha 3840 vendvotimet do të ketë forca policore për të sig- Partitë shqiptare në Maqedoni shkuan në votime të përçara. Një rëndësi e madhe në këto zgjedhje iu dha komunave si ajo e Çairit ( komunë e Shkupit), Tetovës, Gostivarit, Strugës, Dibrës dhe rreth dhjetë komunave të tjera. Për të gjitha subjektet politike shqiptare këto zgjedhje shihen si një test i ri. Kreu i BDI- së, Ali Ahmeti ka deklaruar se shqiptarët janë të përçarë, por pavarësisht kësaj ai është i bindur se partia e tij do të fitojë shumicën e komunave shqiptare.
uruar mbarëvajtjen e procesit zgjedhor. Analistët besojnë se politika shqiptare në Maqedoni duhet të jetë më e bashkuar se kurrë në një kohë që përçarja e shqiptarëve ka arritur kulmin, pasi uniteti mes tyre do të jetë në të mirë të mbarë komunitetit shqiptar që jeton atje.