Trafiku i drogës, Basha: Tahiri ka video të përfshirjes së Ramës
Kërkesa, PD: Kuvendi t'i hapë rrugë arrestimit. Kryeministri të ikë! "Dimashi pastron laptopin dhe celularin e Tahirit"
Kreu i PD- së, Lulzim Basha, apeloi dje për largimin e kryeministrit Edi Rama, pasi sipas tij është i përfshirë në trafikun e drogës. Basha e bëri atë përgjegjësin kryesor për gjendjen në vend, duke e akuzuar se ka qenë në dijeni të të gjitha veprimeve të ish- ministrit Saimir Tahiri, lidhur me çështjen "Habilaj". "E vetmja rrugë për ta nxjerrë vendin nga kriza - u shpreh Basha - është largimi i kryeministrit Rama dhe formimi i një qeverie antimafie". Z. Basha informoi se ish- ministri i Brendshëm, Tahiri dhe kryeministri Rama po negociojnë një marrëveshje mes tyre për t'ia hedhur me një kosto sa më të lehtë pas skandalit të përgjimit të dosjes "Habilaj". Kjo sipas Bashës, për faktin se Tahiri disponon prova me zë dhe figurë, që lidhin Ramën direkt me bandat dhe klanet mafioze të Shqipërisë. "Edi Rama mundohet t'i ikë kësaj përgjegjësie, sepse është përgjegjësi kryesor. Kjo përgjegjësi nuk mund të fshihet as duke arrestuar, as duke lënë të lirë Tahirin. Ne e dimë dhe kemi të dhëna se Edi Rama dhe Saimir Tahiri aktualisht po përpunojnë një marrëdhënie dhe një marrëveshje me njëritjetrin. Saimir Tahiri disponon fakte, të dhëna, përgjime dhe filmime për përfshirjen në marrëdhënie direkte të Edi Ramës me bandat mafioze, klanet mafioze të Shqipërisë. Edi Rama e ka jetike marrëveshjen me Saimir Tahirin, i cili ndonëse i ekspozuar në mënyrë të pashpresë para opinionit dhe ligjit, do përpiqet t'ia hedhë me një kosto sa më të ulët dhe të dy të shpëtojnë paq, të vazhdojnë të menaxhojnë milionat e eurove dhe pushtetin politik. Kjo nuk mund dhe nuk duhet të ndodhë! As arrestimi i Saimir Tahirit, as vënia para drejtësisë e peshqve të tjerë të mëdhenj nuk do të ketë sukses për sa kohë peshku më i madh është ulur në karrigen e kryeministrit", deklaroi z. Basha. Kreu i PD- së, Lulzim Basha, përgëzoi Prokurorinë e Krimeve të Rënda, shërbimet inteligjente dhe partnerët e huaj për operacionin në Babicë të Vlorës, ku u sekuestrua rreth 4.5 tonë kanabis sativa. Basha i kërkoi prokurorisë që të veprojë me shpejtësi pas arrestimit të Moisi Habilajt në Itali dhe të vendosë para përgjegjë- "Ish- ministri Tahiri disponon video dhe fakte për përfshirjen e Edi Ramës në trafik droge. Edi Rama e ka jetike marrëveshjen me Saimir Tahirin dhe të dy të shpëtojnë paq dhe të vazhdojnë të menaxhojnë milionat", u shpreh kryedemokrati, Lulzim Basha.