Bllokohen 58 thertore në 6 ditë, nuk përmbushnin kushtet higjieno- sanitare 58
AKU: Aksioni do të vazhdojë në mbarë vendin
Brenda
6 ditësh është bllokuar aktiviteti i 58 pikave të therjes në të gjithë vendin, pasi nuk përmbushnin standardet e përcaktuara higjieno- sanitare. Autoriteti Kombëtar i Ushqimit po vazhdon aksionin e saj në kuadër të nismës për disiplinimin e therjes së kafshëve dhe tregtimit të mishit. Deri më tani nga AKU janë kryer 67 inspektime në thertore e njësi therjeje, duke bllokuar 58 subjekte, ka vendosur 10 gjoba dhe ka lënë 9 paralajmërime për subjekte të ndryshme. Në periudhën 12- 17 tetor të këtij viti, inspektorët e këtij institucioni kanë bërë kontrollin e 57 njësi therjeje, 1 prej të cilave rezultonte e paregjistruar. Ndërsa, pas monitorimit u zbulua se 10 thertore dhe 4 vende përdoreshin në mënyrë ilegale për therjen e bagëtive, e gjendeshin pranë dyqaneve të ndryshme të tregtimit të mishit. AKU gjithashtu thekson se toleranca do të jetë zero ndaj çdo shkeljeje, për çdo subjekt që ka në fokus produktet ushqimore. Vlen të përmendet fakti se është bërë edhe riinspektimi i pikave të therjes dhe subjekteve të mbyllura, por pas verifikimeve, është konstatuar se asnjë aktivitet nuk është hapur sërish. Inspektorët e AKU kanë sekuestruar edhe sasi mishi, frigoriferë e mjete pune në subjektet e penali-
THERTORE
Brenda 6 ditësh është bllokuar aktiviteti i 58 pikave të therjes në të gjithë vendin, pasi nuk përmbushnin standardet e përcaktuara higjieno- sanitare. AKU ka vendosur 10 gjoba dhe ka lënë 9 paralajmërime për subjekte të ndryshme.
zuara. Autoriteti Kombëtar i Ushqimit, me mbështetjen e Ministrisë së Bujqësisë siguron se kjo iniciativë e ndërmarrë ditët e fundit do të vazhdojë deri në arritjen e standardeve sipas BE.