Rama: Arrestimi i Tahirit, barbari që ngjan me burgosjen e Nanos
Kryeministri njofton pezullimin e deputetit nga postet në PS "Tre prokurorët, inspektorë mjedisi që hanë mish"
Kryeministri Edi Rama njoftoi dje, pezullimin e posteve të deputetit Saimir Tahiri në Partinë Socialiste dhe në Grupin Parlamentar, ndërsa vlerësoi punën që Tahiri ka bërë prej vitesh që nga koha kur erdhi së bashku me të në PS si dhe 4 vitet e drejtimit të Ministrisë së Brendëshme. "A është i pafajshëm Saimir Tahiri?",- ishte kjo pyetja që Rama e ngriti gjatë gjithë fjalës së tij, në mbledhjen e Grupit Parlamentar të PSsë, por që pret t'i japë përgjigje drejtësia. "Në Shqipëri, pas prindërve të tij, vjen i pari një njeri që dëshiron të besojë pafajësinë e Saimirit. Jam unë!",- tha Rama, duke kujtuar momentin si e afroi Tahirin. "E nisi rrugën e karrierës si koordinator i një rrjeti vullnetarësh, që e ndërtoi vetë nga hiçi. Pastaj u bë ai zëdhënësi i ri i partisë, me një dërrasë të zezë, mbi të cilën shkruante me shkumës para kamerave, faktet kompromentuese të korrupsionit qeveritar. I ngjiti shkallët një e nga një, me ambicie të fortë e vullnet të veçantë. Për meritat e tij në punë u zgjodh edhe ministër i Brendshëm",- tha Ra- ma. Ai shtoi se nuk i ndërhyri asnjëherë në punën si ministër i Brendshëm, duke zbuluar se në 4 vjet nuk i ka rënë telefonave të asnjë drejtori policie. Duke ia njohur si meritë Saimir Tahirit, Rama tha se "Për herë të parë në historinë e tranzicionit, Policia e Shtetit nuk ishte më mish për t'u shqyer në tepsinë e pushtetit. Dhe, edhe aleateve tanë të vegjël, - po me oreks të madh, si çdo i vogël që do të rritet me nxitim, - iu ndalua futja e duarve, të kudondodhura të partive, nën mëngën e Policisë së Shtetit". Ai pohoi se Tahiri ka patur besimin e jashtëzakonshëm të tij dhe më pas ehde të grupit parlamentar, pavarësisht qejfmbetjeve si fillim. Duke ngritur sërish pyetjen se a është i pafajshëm Saimir Tahiri, Rama tha: "Ky është një rast atipik, ku unë gjendem në një pozitë atipike, pikërisht për shkak se Saimir Tahiri, kjo dihet botërisht, nuk ishte njëri nga ministrat e qeverisë sime deri dje. Jo, ai ishte ministri më i ekspozuar i saj, më popullori në opinionin e shumicës dhe më i urryeri në sytë e pakicës - shpesh hiri është një kriminel ndërkombëtar me damkë, nuk e gjej dot, sinqerisht, asnjë lloj mundësie të besoj se ata njerëz, sidoqoftë me shkollë e me njëfarë eksperience, e besonin vërtetë se ato katër fletë bakalli dhe ato qindra faqe të nxjerra në mexhelis nga tellalli, justifikojnë faturën e arrestit me burg të një deputeti! Kurrë nuk e besoj dot!",- tha Rama. "Ata kishin ardhur si ata inspektorët klasikë të mjedisit, për të ngrënë mish, pas vënies së gjobës arbitrare në një klub fshati, dhe u kthyen në studio avokatore e prokurorisë",- krahasoi Rama. Kryeministri tha se kjo "barbari" ngjan edhe me historin e burgosjes së ishkryetarit të PS- së, Fatos Nano, "I vetmi politikan i dënuar me burg në këtë vend, në 27 vjet, me të njëjtën lehtësi vrastare, bazuar natyrisht, kjo është një koincidencë ironike e fatit, në ca letra magazinash nga Italia, pa asnjë lidhje direkte me të, po në emër të medemek luftës së të resë, për të bërë drejtësi kundër korrupsionit të së vjetrës". "Saimiri Tahiri do të jetë një njeri i lirë dhe deputet i lirë, për të bërë betejën e tij të lirë jashtë forumit të partisë dhe jashtë Grupit Parlamentar të PS- së", - deklaroi Rama duke thënë se pas këtij procesi nëse del i pafajshëm mund të rikthehet në PS në vendin që i takon.