Berisha: Gjiknuri mori para nga Habilajt. Ministri: Shpifës dixhital!
Ish- kryeministri zbardh sms- në e "qytetarit dixhital": Ministri tjetër i filmuar Përplasja për blerjen e votave nga krimi
Ish- kryeministri, Sali Berisha denoncoi dje ministrin Damian Gjiknuri, i cili, sipas tij, është filmuar duke dhënë para te Habilajt për të blerë votat në fushatë. Denoncimin e tij Berisha e bazon te "qytetari dixhital". Ish- kryeministri Sali Berisha teksa publikoi emrin e ministrit tjetër që është filmuar me Habilajt shprehet se është ministri Gjiknuri, i cili është parë në fushatë duke i dhënë para Habilajt për të blerë votat. "Gjiknuri në tepsi! I filmuar duke i dhënë para Habilajt në fushatë për të blerë votat! Lexoni mesazhin e qytetarit dixhital! Sb",- shkruan në "Facebook" Berisha, ku publikoi edhe mesazhin nga qytetari dixhital. "Përshëndetje Doktor! Gjate fushatës elektorale të fundit, Habilajt uleshin për dreka dhe darka me Damian Gjiknurin në Vlorë. Madje Habilajt kanë edhe regjistrime duke i ofruar para në dorë D. Gjiknurit. Kanë pasur marrëdhënie të rregullt interesash Gjiknurin. Ju uroj shëndet. Anonim, Ju lutem!"- shkruan ai. Por i menjëhershëm ishte reagimi i ministrit Damian Gjiknuri, i cili teksa i referohet ish- kryeministrit, si pinoku dixhital, mohon totalisht njohjen me Habilajt. "A mund ta besojë njeri pinokun dixhital, atë që nuk njihte as baxhanakun e tij dhe nuk e dinte as ku i binte Gërdeci?! Habilajt nuk i njoh e as nuk kam pasur kurrë marrëdhënie me ta. Fati i keq i shpifësit dixhital, që po detyrohet të sajojë e kërkojë lidhje imagjinare mes morisë së fotografive në takimet elektorale me mijëra qytetarë të Qarkut të Vlorës",- deklaroi ministri Gjiknuri. Moisi Habilaj një nga vëllezërit Habilaj u arrestua në Itali si koka e bandës së trafikut të drogës. Dy vëllezërit e tjerë, Artan dhe Florjan Habilaj janë në kërkim. Për çështjen Habilaj u akuzua nga prokuroria edhe ish- ministri, Sajmir Tahiri. Ish- kryeministri Sali Berisha publikoi dje edhe mesazhet e dy qytetarëve dixhitalë, të cilët i ankohen se nipat e Arben Ndokës janë autorët e plagosjes së ndodhur pasditen e 22 tetorit 2017 në Shëngjin. Pas ngjarjes, policia nuk dha emrat e autorëve të plagosjes së Samet Bercaj, 19 vjeç dhe Florian Dushku, 28 vjeç. "Në Shëngjin, në qendër të qytetit, nga një automjet, persona akoma të paidentifikuar, kanë plagosur me armë zjarri shtetasit S. B. 19 vjeç dhe F. D.
28 vjeç, banues në Shëngjin, të cilët po lëviznin me këmbë në trotuar"- informoi policia",- thuhet në mesazhin drejtuar z. Berisha. "Lezha në terror! Banda e Arben Ndokës
së PS, përgjak Lezhën. Nipat e tij në kërkim derdhin breshëri kallashnikovi mbi dy të rinj. Çunat e krimit i ndihmojnë!",- shkruan ishkryeministri Berisha. Ishkryeministri Sali Berisha, teksa publikoi emrin e ministrit tjetër që është filmuar me Habilajt, shprehet se është ministri Gjiknuri, i cili është parë në fushatë duke i dhënë para Habilajt për të blerë votat.