Krimi, Basha: Hetimet do të zbulojnë eksponentë të tjerë të PS
Deputetët pa imunitet, PD diskuton mundësinë e ndryshimit të Kushtetutës "BE- SHBA të ndalojnë presionin e Ramës ndaj drejtësisë"
Kreu i PD- së, Lulzim Basha, akuzoi dje kryeministrin Edi Rama se po bën gjithçka për të penguar hetimin e çështjes "Tahiri", duke minuar reformën në drejtësi dhe vetingun dhe duke kërcënuar prokurorinë. Në një situatë të tillë, Basha u bëri thirrje Komisionit të Bashkimit Europian dhe Qeverisë së Shteteve të Bashkuara të Amerikës, si dhe partnerëve të tjerë perëndimore që kontribuuan për hartimin dhe miratimin e reformës në drejtësi, të bëjnë presion ndaj kryeministrit dhe mazhorancës që të ndërpresin menjëherë këtë fushatë kërcënimesh dhe presioni ndaj drejtësisë. Sipas Bashës, ky sulm ka për qëllim gjunjëzimin e drejtësisë dhe garantimin e pandëshkueshëmrisë së politikanëve të ekspozuar publikisht si të lidhur me krimin. Për kreun e PD- së, nëse qeveria do të lejohet të shantazhojë, kërcënojë dhe frikësojë drejtësinë, korrupsioni dhe krimi në Shqipëri do të rritet më tej. "Nëse politikanë nën hetim për lidhje me trafikun e drogës si Saimir Tahiri lejohen të kërcënojnë dhe shantazhojnë drejtësinë, në Shqipëri do të thellohet sundimi i krimit dhe korrupsionit", nënvizon Basha. Kreu i PD- së kërkoi që ish- ministri Tahiri t'i nënshtrohet ligjit si çdo qytetar tjetër dhe nuk duhet të mbrohet nga imuniteti parlamentar dhe nga mbrojtja politike e shumicës në pushtet. Z. Basha akuzoi më tej se Edi Rama rrëzoi kërkesën e Antimafias italiane, pasi ai është i marrë peng nga Saimir Tahiri. "Edi Rama ka shkelur Kushtetutën dhe ligjin për të mbrojtur Saimir Tahirin. As nuk ka të drejtë të kthehet në gjykatë. Rama po e mbron, sepse është peng i Tahirit dhe ka frikë nga hetimi i pavarur i drejtësisë, që do të zbulojë edhe eksponentë të tjerë të qeverisë", - tha Lulzim Basha. Sipas tij, vendi është në krizë totale kushtetuese, politike dhe morale dhe Edi Rama ka marrë fund si kryeministër. Nga ana tjetër, demokratët po diskutojnë mundësinë e propozimit të një amendamenti kushtetues për heqjen e imunitetit për deputetët. Ende nuk ka një vendim zyrtar, por mësohet se diskutimi është zhvilluar në
mbledhjen e grupit parlamentar dhe kjo iniciativë vjen pas refuzimit të mazhorancës për të autorizuar arrestimin e Saimir Tahirit. Pas mbledhjes së grupit, kreu i PD- së theksoi se kryeministri Edi Rama ka
shkelur ligjin dhe Kushtetutën për të mbrojtur ishministrin Tahiri. "Parlamenti nuk ka të drejtë të rrëzojë një kërkesë të organeve të drejtësisë të bërë konform rregullave, as nuk ka të drejtë të kthehet në gjykatë Deputetët e PD- së do të bojkotojë komisionet deri të mërkurën. Shkak i këtij vendimi është bërë qëndrimi i mazhorancës për çështjen e deputetit Tahiri. Demokratët munguan dje në mbledhjen e Komisionit kuvendor të Ligjeve. Vendimi për bojkot vjen në një kohë që parlamenti pritet të vendosë të mërkurën kundër autorizimit të prokurorisë për arrestimin e ishministrit Tahiri.
dhe të gjykojë provat, kjo i takon gjykatës. Edi Rama po mbron Saimir Tahirin, sepse është peng i lidhjeve kriminale të Saimir Tahirit, i trafiqeve të drogës dhe sepse ka frikë nga hetimi i pavarur i drejtësisë, hetim që do të zbulojë edhe bashkëpunëtorë të tjerë në kupolën qeveritare, të krimit të organizuar", theksoi z. Basha. Ai shprehu shqetësimin se drejtësia është e nëpërkëmbur dhe e kërcënuar. "Vetingu është i marrë fund me ketë qëndrim të Edi Ramës, që po e përdor për të kërcënuar prokurorët vetëm pse guxojnë të hetojnë Saimir Tahirin dhe vendi është në një krizë totale kushtetuese, politike dhe morale. Maxhoranca moralisht është e vdekur. Edi Rama ' de facto' ka marrë fund si kryeministër", deklaroi ai. Përballë kësaj situate, Basha tha se opozita është në konsultim të vazhdueshëm me qytetarët dhe faktorët ndërkombëtarë. "Ne si opozitë jemi dhe do të jemi në konsultim të vazhdueshëm me qytetarët dhe me faktorin ndërkombëtar për t'iu përgjigjur kësaj gjendjeje, kësaj krize të thellë të vendit", u shpreh z. Basha. I pyetur mbi qëndrimin e ndërkombëtarëve për këtë situatë, Basha u përgjigj: "Unë nuk jam zëdhënës i ndërkombëtarëve, por jam partner i tyre".