Sulmi i Ramës ndaj prokurorisë, Kryemadhi: I paprecedent
Kryetarja
e LSI- së, Monika Kryemadhi, akuzoi dje kryeministrin Edi Rama se po shantazhon drejtësinë, duke i dalë në mbrojtje krimit dhe trafikantëve. Sipas saj, PS- ja e ktheu Këshillin e Mandateve në gjykatë politike. "Shqiptarët prisnin më të paktin veprim që kryeministri i tyre duhet të bënte, të lejonte drejtësinë të zbardhte të vërtetën. Ata panë sot kryeministrin shqiptar që shndërrohej në një mburojë të krimit. Shqiptarët panë një kryeministër që shantazhon hapur drejtësinë dhe kërcënon atë duke dashur t'i lërë shqiptarët në duart e trafikantëve që po helmon brezin e ri dhe po dëmtojnë shpresën dhe të ardhmen e shqiptarëve. Edi Rama po lë shqiptarët në duart e kriminelëve, gjobëvënësve, të vrasësve me pagesë dhe profesionistë dhe po u hap trafikantëve autostrada të reja të trafikut të drogës, armëve dhe shumë trafi- qeve të tjera të rrezikshme", deklaroi zj. Krye- madhi. Në një dalje për mediat, Kryemadhi tha se drejtësia po përballet me pengesë të pashoq për të bërë punën e saj, ndërsa Ramës i kujtoi se është në shkelje të Kushtetutës dhe rekomandimeve të Komisionit të Venecias. "Drejtësia po përballet sot me një pengesë të madhe, që nuk janë vetëm kriminelët, por edhe kryesuesi i falangës politike, që mbështet dhe sakrifikohet për ta. Kryetari i Kuvendit dhe mazhoranca e kthyen Këshillin e Mandatit dhe Imuniteteve në një gjykatë politike. Ata dhunuan Kushtetutën, nga garante që ishte, e kthyen në mbështetëse të krimit", theksoi zj. Kryemadhi.