Bastiset shtëpia e biznesmenit, hajdutët marrin kasafortën e 2 makina luksoze
Reagon vajza e familjes Salla: Shumë parash për këdo që jep informacion Policia: Dyshohet se vjedhja ka qenë e mirëorganizuar
Banesa e një biznesme ni të njohur në El basan ka rënë pre e hajdutëve. Burime zyrtare nga policia lokale bënë me dije se në orët e para të mëngjesit të djeshëm, persona ende të paidentifikuar kanë hyrë në shtëpinë e Ylli Sallës në fshatin Mengel dhe kanë marrë kasafortën me para si dhe dy makina luksoze. Menjëherë pas sinjalizimit për bastisjen, blutë kanë shkuar në vendngjarje dhe kanë nisur hetimet për identifikimin dhe vënien në pranga të autorëve të krimit. Sipas hetuesve të çështjes, vjedhja ka ndodhur rreth orës 04: 30 të së hënës. Policia ka sekuestruar pamjet e kamerave të sigurisë së bizneseve pranë banesës së biznesmenit, me qëllim rënien në gjurmët e agresorëve. Ndërkohë, burimet e mësipërme pohuan se dyshohet që vjedhja e banesës së Ylli Sallës ka qenë e mirorganizuar dhe e menduar deri në detaje. Mësohet se grabitësit kanë mundur të futen në shtëpinë e biznesmenit duke hapur derën kryesore, ndërsa çelësat e makinave i kanë marrë në tavolinat e paradhomës. Ndonëse në banesë ishin edhe pjesëtarët e familjes, asnjëri prej tyre prej tyre nuk ka dëgjuar lëvizjet e hajdutëve. Në janar të këtij viti biznesmeni Ylli Salla ka rënë pre e një tjetër ngjarjeje të rëndë, ku është dhunuar me sende të forta në ambientet e karburantit të tij në qytetin e Elbasanit. Bastisja e banesës ka alarmuar pjesëtarët e familjes Salla. Vetëm pak orë pas ngjarjes, ka reaguar vajza e biznesmenit, Suzana Salla, e cila përmes një deklarate për mediat tha se për këdo që do të ndihmojë në gjetjen e autorëve, do të marrë një shumë të majme si shpërblim.
REAGIMI I VAJZËS SË BIZNESMENIT
"Unë, Suzana Salla, e bija e biznesmenit Ylli Salla në emër të familjes sime deklaroj se vëmë në dispozicion të personave që kontribuojnë për identifikimin e autorëve dhe zbardhjen e menjëhershme të vjedhjes së banesës së familjes sonë një shumë të konsiderueshme parash. Ky shpërblim vlen për çdo informacion që mund të na jepni në numrin e celularit 0692083170 dhe 0696012332 nga kushdo që ka parë vjedhësit duke qarkulluar mëngjesin e sotëm ( djeshëm) me makinat me targa: AA393PV dhe HP565J", - tha ajo.