"Dhjetëra gazetarë, spiker, drejtues emisionesh, punonjës të shkëlqyer kanë mirënjohjen time pa kufi. Urime të gjithëve!"
15- vjetori i "News 24", presidenti Hysenbelliu: Investim për shoqërinë, zëri i të pafuqishmit!
5 vjet më parë, nisi trans metimin "News 24", televiz ioni informativ me shikueshmërinë më të lartë në Shqipëri. Me një histori të pasur tashmë, "News 24" arriti të ndryshojë transmetimin e lajmit në median televizive në Shqipëri. Në fokus të televizionit ka qenë gjithmonë shpejtësia dhe paanshmëria në transmetimin e lajmit të fundit, duke fituar vit pas viti besueshmërinë e publikut. Me rastin e 15- vjetorit të televizionit, në Pallatin e Kongreseve u organizua një mbrëmje "gala" me pjesëmarrjen e të ftuarve VIP, ku pa dyshim nuk mungon edhe i gjithë stafi i kompanisë Focus Group.
MESAZHI I PRESIDENTIT TE KOMPANISE
Në fjalimin që mbajti para 1500 të pranishmëve në Pallatin e Kongreseve në 15 vjetorin e "News 24", Irfan Hysenbelliu, Presidentit të Focus Media Group e quajti këtë televizion një investim për shoqërinë duke e njehsuar me zërin e të pafuqishmëve.
"I nderuar zoti President, i nderuar zoti Kryetar i parlamentit, i nderuar Kryetar i parlamentit të Maqedonisë dhe të nderuar miq nga vendet fqinje! Të nderuar përfaqësues të trupit diplomatik, përfaqësues të komuniteteve fetare,
Është nder i veçantë t'ju mirëpres të gjithëve në këtë 15- vjetor për të festuar një moment të rëndësishëm për "News24". Është kaq e mrekullueshme të jesh në praninë e personaliteteve të tilla. Ky përvjetor është i veçantë për mua. Është frymëzuese kjo histori e shkurtër, është model i suksesit, historia e një investimi modest, prej disa njerëzve vizionarë. Është e veçantë, sepse mishëron pasionin, përpjekjet e qindra djemve e vajzave që i dhanë shpirtin kësaj risie që do mbërthente shqiptarët para ekranit dhe do bëhej modeli për shumë media të tjera. Pas eksperiencës së fëmijës tim të parë mediatik, gazeta "Panorama" një tjetër histori suksesi. Iu bashkova këtij projekti të veçantë me vendosmërinë për të arritur, një impakt. "News 24" nuk është biznes, por investim për shoqërinë, zëri i të pafuqishmit. Ky është impakti që kisha ëndërruar, por "News 24" u ngrit mbi këtë filozofi",- tha Hysenbelliu.
Ai theksoi se "Në këto vite ia kemi dalë ta rrisim për ta bërë më modern, më të pavarur dhe të paanshëm, historia frymëzuese e këtyre viteve është modeli i së ardhmes. Një televizion që i shërben më shumë shqiptarëve. Dhjetëra gazetarë, spikerë, drejtues emisionesh, punonjës të shkëlqyer që kanë mirënjohjen time pa kufi. Urime të gjithëve në këtë festë të mrekullueshme!", deklaroi presidenti Hysenbelliu.
Në festën e "News 24" ishin të pranishëm personalitetet më të larta shtetërore, që nga Presidenti Ilir Meta, Kreu i Kuvendit, Gramoz Ruçi, ministra dhe politikanë të tjerë nga të gjitha kahet. Në pamundësi për të qenë në festë, kryeministri Edi Rama përshëndeti të pranishmit me një mesazh video.