Shkatërrohet rrjeti i prostitucionit, përfundojnë në pranga 10 persona
Operacioni "Taksi e lirë 2", pas denoncimit të prindërve të një 18- vjeçareje Shfrytëzonin vajzat në hotele për 50 deri 150 euro
Policia e Tiranës në një aksion të koduar "Tak si e lirë 2" ka goditur një grup kriminal të shfrytëzimit të prostitucionit, duke arrestuar 10 persona dhe proceduar 3 të tjerë. Drejtori i policisë së Tiranës Ardi Veliu, në një deklaratë për mediat ditën e djeshme tha se policia e Tiranës në bashkëpunim me Prokurorinë e Rrethit Gjyqësor, pas një hetimi 5 mujor, kanë bërë të mundur finalizimin e operacionit për shkatërrimin e këtij grupi të strukturuar kriminal. Mësohet se veprimtaria kriminale ku shfrytëzoheshin për prostitucion vajza të moshave të ndryshme ushtrohej në disa hotele në qytetin e Tiranës, një prej tyre në kryqëzimin e "Tregut elektrik". Për çdo vajzë që i ofronte seks klientëve, grupi merrte pagesat që varionin nga 50 deri në 150 euro. Ndërkohë mësohet se ishte pikërisht denoncimi i prindërve të një 18- vjeçareje, për largimin e saj nga banesa në muajin prill të këtij viti, që çoi në zbulimin e rrjetit të shfrytëzimit të prostitucionit në Tiranë. Gjithashtu, gjatë arrestimeve të bëra, në disa prej ambienteve është gjetur lëndë narkotike e llojit kokainë e ndarë në porcione, të cilat janë sekuestruar.
OPERACIONI
Shtetasit e arrestuar në flagrancë dhe ata të proceduar në kuadër të operacionit akuzohen për veprat penale të "Shfrytëzim prostitucioni" dhe "Mbajtje dhe vënie ne përdorim të ambienteve për prostitucion", "Prodhim dhe shitje të narkotikëve" si dhe "Prostitucionit". Janë vënë në pranga shtetasit: Ruzhdi Gapi, 41 vjeç, lindur dhe banues në Tiranë, i pa dënuar, akuzohet për kryerjen e veprës penale "Shfrytëzim i prostitucionit"; Edmond Shkalla, 49 vjeç, lindur dhe banues në Tiranë, i pa dënuar më parë, akuzohet për kryerjen e veprës penale "Shfrytëzim i prostitucionit"; Albina Kasa, 26 vjeç, lindur në Elbasan dhe banuese në Tiranë, e pa dënuar më parë, akuzohet për kryerjen e veprës penale "Shfrytëzim i prostitucionit"; A. Ndoja, 37 vjeç, lindur dhe banues në Tiranë, i pa dënuar më parë, akuzohet për kryerjen e veprës penale "Mbajtje të lokaleve për prostitucion"; Jani Murati ( Gëzim Kasëmi), 59 vjeç, lindur dhe banues në Tiranë, i pa dënuar, akuzohet për kryerjen e veprës penale "Shfrytëzim prostitucioni"; Altin Sulejmanasi, 44 vjeç, lindur dhe banues në Tiranë, i pa dënuar, akuzohet për kryerjen e veprës penale "Shfrytëzim prostitucioni"; Elton Mimini, 23 vjeç, lindur dhe banues në Tiranë, i pa dënuar, akuzohet për kryerjen e veprës penale "Shfrytëzim prostitucioni"; A. L., 44 vjeçe, lindur dhe banuese në Tiranë, e pa dënuar më parë, akuzohet për kryerjen e veprës penale "Prostitucion"; F. P., 32 vjeçe, lindur në Fier dhe banuese në Tiranë, e pa dënuar, akuzohet për kryerjen e veprës penale "Prostitucion" dhe "Prodhim e shitje të lëndëve narkotike"; D. D, 42 vjeç lindur dhe banues në Tiranë, i dënuar më parë. Ndërkohë janë proceduar në gjendje të lirë shtetasit me inicialet: D. D., 25 vjeçe, lindur në Tropojë dhe banuese në Tiranë, e pa dënuar më parë; L. K., 25 vjeçe, lindur dhe banuese në Tiranë, e pa dënuar më parë dhe shtetasja B. C., 39 vjeçe, lindur dhe banuese në Tiranë, e pa dënuar më parë. Mësohet se në këtë aktivitet kriminal shtetasit
Në këtë aktivitet kriminal shtetasit Ruzhdi Gapi dhe Gëzim Kasëmi ishin në rolin e taksistit. Ata bënin të mundur transportimin e vajzave që ushtronin prostitucion në hotele të ndryshme, të tilla si ambienti "Hotel" pranë kryqëzimit të "Tregut elektrik", në pronësi të shtetasit A. Ndoja.