Pensionet e pleqërisë, si bëhet verifikimi i kontributeve
Drejtuesja e INAS: Si funksionon procedura për shqiptarët që kanë punuar në Itali Beskida Aliaj: Ja kriteret dhe dokumentacioni
pjesshëm pleqërie, që është i barabartë në përqindje me raportin 21 vjet që ka punuar, me 35 vjet që nevojiten për pension të plotë pleqërie, pra përfituesi do të marrë 60% të pensionit të plotë.
Cili është dokumentacioni që nevojitet?
Dokumentacioni që duhet të paraqisni është: fotokopje e kartës së identitetit, certifikatë e gjendjes familjare; certifikate martese për gratë ( për efekt të mbiemrit të kohës së vajzërisë, me të cilin mund të ketë periudha pune); dy fotografi; libreza e punës e në mungesë të saj plotësimi i rubrikave të punës; vërtetim i Degës Ushtarake për periudhën e kryerjes së shërbimit të detyrueshëm ushtarak ( për kërkuesit meshkuj); diploma e shkollës së lartë për gratë, e cila konsiderohet vjetërsi pune. Gjithashtu aplikuesit, i nevojitet çdo dokument tjetër justifikues, që vërteton qenien në punë; vërtetim page, sipas së cilës është derdhur kontribut për periudhat e sigurimit që nga 01.01.1994 deri në momentin e shkëputjes nga puna, sipas formularit tip nëse ka punuar dhe ka derdhur kontribute për periudhat pas datës 01.01.1994. Ndërkaq, aplikuesi duhet të dorëzojë edhe çdo dokument tjetër justifikues, që vërteton pagën ose derdhjen e periudhave kontributive si dhe një fotokopje të librezës së pagimit të energjisë elektrike.
Si bëhet verifikimi i periudhave kontributive në Itali?
Patronati është në gjendje të verifikojë të gjitha periudhat kontributive, në arkivin e institucionit Instituto Nazionale Previdenza Sociale e thënë ndryshe INPS ose institucion ky analog me Institutin e Siguri-
meve Shoqërore në Shqipëri.
Sa zgjatin procedurat e verifikimit për ata shqiptarë që kanë punuar me kontribute në shtetin italian?
Duke qenë se në Itali ky shërbim ofrohet i informatizuar, ne mund të futemi online në sistemin INPS meqë kemi akses dhe passwordet e ofruara nga vetë institucioni dhe i nxjerrim këto periudha të punës në Itali, për qytetarin shqiptar, për jo më shumë se 5 minuta dhe mjafton që qytetari të ketë me vete një kartë identiteti dhe një codice fiscale.
Çfarë është ekstrakti i periudhave kontributive në Itali?
Ekstrakti i periudhave kontributive është dokumenti që rendit të gjitha kontributet e bëra në INPS në favor të punëtorit. Ai përmbledh pagesat e punës, figurative dhe reduktuese, të ndara sipas ndërmarrjeve ku punonjësi është i regjistruar. Me ekstraktin e periudhave kontributive punonjësit mund të kontrollojnë rregullsinë e kontributeve të paguara nga ata vetë ose punëdhënësit e tyre për të sinjalizuar edhe ndonjë disakordance me INPS.
Si bëhet ndarja e sigurimeve shoqërore në shtetin fqinj për shqiptarët?
Deklarata e Pensionit detajon të dhënat personale të punonjësit dhe, përmbledhur në një tabelë, përfitimet e sigurimeve shoqërore të ndara në: periudhën e referencës; llojin e kontributeve, pra të punësuar, zejtar, tregti, shërbim ushtarak; shpërblim ose të ardhura, referencat e punëdhënësit si dhe kontribute të dobishme të shprehura në ditë, javë ose muaj, si për llogaritjen e pensionit, ashtu edhe për arritjen e të drejtës.