Rama: Rritje me 42% të investimeve publike

Mblidhet Këshilli Ekonomik Kombëtar, përcaktohen prioritet për vitin 2018 Ahmetaj: Prioritet arsimi, turizmi, shëndetësia e infrastruktura

Investimet publike do të rriten me 42% vitin që vjen në raport me 2017, raporton kryeministri, Edi Rama në mbledhjen e Këshillit Ekonomik Kombëtar. Sipas Ramës, gjatë 2018 parashikohet edhe një rritje e Prodhimit të Brendshëm Bruto në 6.3% ose me 26 miliardë lekë, jo vetëm si rezultat i rritjes ekonomike, por edhe i luftës ndaj informalitetit. Për të nxitur investimet në sektorin e turizmit, investitorëve që ndërtojnë komplekse me 4 dhe 5 yje do t'ju hiqen tri taksa. Një nisëm kjo që vjen pas uljes së TVSH- së nga 20 në 6%. Gjatë mbledhjes së Këshillit Ekonomik Kombëtar, ministri i Financave Arben Ahmetaj është ndalur në rëndësinë që do t'i kushtohet bujqësisë dhe shëndetësisë. Kështu shëndetësia do të ketë një rritje fondesh me 5.6 %, ndërkohë që për bujqësinë do të aplikohen skemat e mbështetjeve financiare në bazë të projektit IPARD në vlerën e 93 milionë euro për tre vjet.

TAKIMI

Është mbledhur dje për herë të parë, që nga krijimi i qeverisë "Rama 2", Këshilli Ekonomik Kombëtar ku në qendër të diskutimit ka qenë buxheti për vitin 2018. I pranishëm në Këshill, kryeministri Rama tha se do të ketë një rritje më 42% të investimeve publike dhe se buxheti do të garantojë ecurinë e reformave themelore që i quajti ai. "E rëndësishme në qëndrimin tonë është që investimet publike do rriten me 42 % ndaj 2017 dhe buxheti do garantojë ecurinë e reformave themelore, që nga ajo në drejtësi te reforma e administratës publike, administrative territoriale dhe re- forma ujit. Po ashtu, parashikimi për të ardhurat, të cilat sipas projeksioneve “Jemi këtu për të mbrojtur botën e sipërmarrjes, për të qenë avokatë të saj, për të vënë në lëvizje përmes Ministrisë së Shtetit, ministrin përkatës për çdo lloj problemi. Kemi trajtuar 49 raste komunikimi të drejtpërdrejtë të një sipërmarrje me qeverinë, disa janë zgjidhur disa janë në proces.", - tha Rama.

tona do të tejkalohen, është që në 2018 të kemi një rritje 6.3%.",- tha Rama. Kryemi- nistri tha ndër të tjera se buxheti është katërfishuar në raport me 4 vjet më parë. "Dëshiroj që përmes jush të përsëris apelin tim për të gjithë sipërmarrësit që të na vënë në provë, që të përdorin avokatin e tyre brenda në qeveri që është ministrja e Shtetit për sipërmarrjen. Sot kjo temë i kushtohet mbledhjes së buxhetit, një teme madhore. Rritja ekonomike ka një përshpejtim relativ, në raport me një vit me parë. Sot jemi në një rritje katërfish nga ajo e katër vjetëve më parë. Ne do të vazhdojmë t'i thellojmë reformat, të bindur se është e vetmja rrugë",- tha Rama. Rama e vuri edhe njëherë theksin te përmirësimi i komunikimit me të gjithë sipërmarrësit, të vegjël a të mëdhenj. Kreu i qeverisë tha se ministrja e Shtetit për Sipërmarrjen, Sonila Qato, do të shërbejë si avokate për sipërmarrjen, duke u siguruar që çdo kompani të mos cenohet nga askush. "Dua të nënvizoj se jemi të prirur të përmirësojmë komunikimin me sektorët e tregut. Ndërveprimi mes nesh mund të jetë më efektiv dhe efikas. Jemi këtu për të mbrojtur botën e sipërmarrjes, për të qenë avokatë të saj, për të vënë në lëvizje përmes Ministrisë së Shtetit, ministrin përkatës për çdo lloj problemi. Kemi trajtuar 49 raste komunikimi të drejtpërdrejtë të një sipërmarrje me qeverinë, disa janë zgjidhur disa janë në proces.",- tha Rama.