Testohen me shkrim 75 aplikues për pozicionin "Drejtues" në 16 spitale
Manastirliu: Proces transparent sipas Kodit të Punës
Plot
75 aplikantë iu nën shtruan dje testimit me shkrim për përzgjedhjen e drejtuesve në spitalet Universitare dhe Rajonale në vend. Në Tiranë, konkurruan 22 kandidatë për postet e lira në 5 spitalet Universitare, ndërsa 53 të tjerë u testuan për pozicionet drejtuese në 11 spitalet rajonale. E pranishme në këtë fazë të konkurrimit ishte dhe ministrja e Shëndetësisë dhe Mbrojtjes Sociale, Ogerta Manastirliu, e cila ndoqi nga afër testimin. "Është hera e parë që zhvillohet një konkurs i tillë, publik, transparent për drejtuesit e shëndetësisë në vend. Ky
MINISTRJA
"Është hera e parë që zhvillohet një konkurs i tillë, publik, transparent për drejtuesit e shëndetësisë në vend. Ky është një standard i ri, një model i ri dhe tashmë nuk ka më kthim mbrapa, por çdo konkurs do të zhvillohet mbi bazë meritokracie dhe mbi baza të procedurave transparente"
është një standard i ri, një model i ri dhe tashmë nuk ka më kthim mbrapa, por çdo konkurs do të zhvillohet mbi bazë meritokracie dhe mbi baza të procedurave trans-
parente",- tha ministrja. Për përzgjedhjen e tyre, aplikantët për pozicionin "drejtor" në spitalet universitare apo rajonale, duhet të kalojnë në tri faza testimi. Faza e parë ishte ajo e aplikimeve ku 84 kandidatë konkurruan me dosje dhe u përzgjodhën në bazë të kritereve. Prej tyre, vetëm 75 kaluan në fazën e dytë, atë të testimit me shkrim. Më tej, në fazën e tretë, një komision i posaçëm do të zhvillojë testimin me gojë të aplikantëve. "Tashmë është ngritur komisioni ad- hoc, i përbërë nga ekspertë të shëndetësisë dhe menaxhimit në Shqipëri si dhe ekspertë ndërkombëtarë të menaxhimit spitalor që do të bëjnë vlerësimin e aplikantëve në fazën e tretë",- theksoi Manastirliu. Gjatë provimit u konstatua edhe prezenca e drejtorëve aktual të 5 spitaleve universitare, që nuk janë dorëhequr dhe as shkarkuar nga detyra. Por ministrja deklaroi se procesi është transparent dhe në përputhje me kodin e punës dhe legjislacionin në fuqi.