Alarmi/ Korrupsion në universitete
Këshilli Rinor i Ambasadës Amerikane: 43% e studentëve konstatojnë sjellje abuzive Studimi: Pedagogët marrin ryshfete në këmbim të notës
Korrupsioni vazhdon të mbetet një prob lem madhor në universitetet shqiptare, kjo në bazë të një studimi të realizuar me 990 studentë, nga Këshilli Rinor i Ambasadës Amerikane. Sipas të dhënave të publikuara, më shumë se gjysma e studentëve të Universitetit të Tiranës, e shohin korrupsionin si një faktor pengues për rininë në vend dhe familjet e tyre. Rreth 43% e të anketuarve pohojnë se në fakultetin ku vazhdojnë studimet e larta është i pranishëm korrupsioni i dëshmuar nëpërmjet ndërhyrjeve abuzive nga një palë e tretë, të afërm apo familjarë. Ndërsa ryshfeti është forma direkte e demonstrimit të abuzimeve nga pedagogët. "Bazuar në përvojat personale të studentëve, pjesa më e madhe e rasteve abuzive në fakultet kanë të bëjnë me favorizimin lidhur me vlerësimin për lëndën ( 64%). Në rend të dytë vjen marrja e lëndës për frekuentim",theksohet në raportin e Këshillit Rinor të Ambasa- dës Amerikane të përgatitur nga Edmon Çera. Raporti tregon se pedagogët ushtojnë presion psikologjik ndaj të rinjve, të cilët e përjetojnë periudhën e sezonit me frikë e pasiguri. Rezultatet e publikuara paraqiten me 3 pikë më shumë se Indeksi Kombëtar i Korrupsionit, çka tregon se duhet të ngrihet alarmi për mënyrën si funksionon sistemi i lartë arsimor në Shqipëri. 53% e studentëve kërkojnë krijimin e një portali apo aplikacioni ku të adresojnë ankimimet e tyre, si një zgjidhje për këtë "ngërç" që ka përfshirë fakultetet.
ANKIMIMI
Ndërkaq, rreth gjysma e studentëve në këtë universitet deklarojnë se nuk kanë informacion nëse në departamentet e tyre ka një zyrë përkatëse në të cilën mund të drejtohen në rastet kur konstatojnë forma abuzive apo sjellje korruptive nga ana e pedagogëve apo pjesës tjetër të stafit. Por në përgjithësi, 3 në katër studentë, deklarojnë gjatë intervistave se kanë pak ose aspak informacion për kuadrin ligjor shqiptar dhe detyrimet ndërkombëtare në luftën kundër korrupsionit. "Gati 13% e studentëve të Universitetit të Tiranës po-
hojnë se Kodi i Etikës nuk respektohet në fakultetin e tyre, për më shumë rreth 5% e studentëve thonë se ky kod jo vetëm që nuk respektohet, por madje as nuk ekziston",citohet në raport. Në bazë të raportit, të rinjtë besojnë se sistemi arsimor, mediat dhe udhëheqësit politikë duhet të marrin më shumë përgjegjësi për të rritur rolin e tyre në luftën kundër korrupsionit. Ndërkohë, sistemi gjyqësor, qeveria dhe opozita perceptohen nga ana e studentëve si instancat më abuzive në vend, të pasuara nga sistemi i shëndetësisë që vlerësohet me plot 84 pikë për sa i përket korrupsionit në Shqipëri.