Basha: Rama e Tahiri në panik, së shpejti fakte të reja
"Habilaj", kreu i PD: Qeveritarë të tjerë, të përfshirë me krimin "Të hetohet kush arrestoi Zaganin"
Kreu i opozitës, Lulzim Basha, paralajmëroi dje se javën që vjen do të dalin në dritë të dhëna të reja, që sipas tij e lidhin qeverinë "Rama' me krimin e organizuar. Z. Basha njoftoi përmes një konference për shtyp zbardhjen e fakteve të reja, të cilat siç tha ai, zbulojnë se anëtarë të qeverisë aktuale dhe kryeministri Edi Rama janë të përfshirë në mbështetjen krimit dhe drogës. Basha nuk dha detaje nëse ato lidhen me dosjen "Habilaj", duke theksuar se publikimi i tyre është çështje ditësh. "Rama e Tahiri sot janë në panik e dëshpërim se po ndeshen me të vërtetën dhe kanë humbur çdo kontroll të së vërtetës. Në ditët e ardhshme do të ketë të reja të tjera, që zbulojnë përfshirjen e qeveritarëve shqiptarë dhe të Ramës në mbështetje e mbrojtje të krimit e trafikantëve të drogës. Edhe bota e ka kuptuar dhe nuk mund të lejojnë më një shtet të kontrolluar nga krimi në mes të Europës", - theksoi z. Basha. I pyetur se për çfarë të rejash bëhet fjalë, Basha shtoi: "Ne po shqyrtojmë çdo material që tregon lidhjet e krimit me politikanët. Ua lëmë ditëve të ardhshme të publikohen të dhënat që disponohen. Opozita kërkon transparencë". Kreu i PD- së u shpreh për ndërgjegjësim të ndërkombëtarëve, ndërsa shtoi se qëndrimi i tyre është i qartë: mbështetje për prokurorët e gjyqtarët që po hetojnë lidhjet e politikës shqiptare me krimin. "Dënim të sulmeve politike ndaj drejtësisë, barazi para ligjit e çdokujt, përfshirë edhe politikanët më të lartë". Gjithashtu, ai u shpreh se, "opozita është në kontakt të vazhdueshëm me qytetarët, oficerët e policisë dhe partnerët". Basha akuzoi Ramën se po bën avokatin mbrojtës të Saimir Tahirit dhe të vëllezërve Habilaj dhe kërkoi që personat të cilët arrestuan ish- punonjësin e policisë, Dritan Zaganin, të merren si të pandehur. "Dritan Zagani nuk ka qenë kurrë i dënuar nga Krimet e Rënda. Edi Rama gënjeu drejtpërdrejt para miliona shqiptarëve. Tahiri e arrestoi Zaganin, sepse ai nuk heshti, por guxoi, ngriti zërin dhe hetoi lidhjet kriminale Tahiri- Habilaj. Sipas kodit mafioz të hakmarrjes kundër atij që flet, Edi Rama dhe Saimir Tahiri kërkuan ta bënin shembull Zaganin, për t'i treguar çdokujt se çfarë i pret nëse flasin. Por, akuzat qesharake të montuara nga Shërbimi i Kontrollit të Brendshëm, një drejtori e Ministrisë së Brendshme nën urdhrat e Tahirit, nuk dhanë asnjë rezultat, me gjithë presionin e madh që Rama dhe Tahiri ushtruan. Punonjësit e Shërbimit të Kontrollit të ministrisë që arrestuan Zaganin duhet të hetohen dhe të merren të pandehur për montim aku- "Dita e të rënëve të policisë në krye të detyrës na kujton ata burra me uniformë, me kurajë e integritet, që dhanë jetën në luftë kundër krimit. Ne nuk mund ta lemë sakrificën e tyre të shkojë dëm. Krimi, bandat dhe mafia duhen shtypur, por kjo bëhet e mundur vetëm me një qeveri që nuk i mbron dhe ndan pushtetin me ta, por i lufton, i ndëshkon dhe i çon ata dhe pushtetarët e korruptuar, që sot janë mburoja e krimit para drejtësisë", tha z. Basha.