Basha: Rama dhunon e burgos të varfrit dhe ndihmon kriminelët
Kreu i PD- së akuzon kryeministrin për vetëvrasjet e qytetarëve "Sa e do drejtësinë, e tregoi skandali ‘ Tahiri’"
Kryetari i Partisë Demokratike, Lulzi Basha akuzoi sërish dje kryeministrin Edi Rama se nuk e do drejtësinë, pasi këtë e tregoi edhe çështja "Tahiri". Në një postim në rrjetin social, "Facebook", Basha u shpreh dje: "Se sa e do Rama drejtësinë, e tregoi skandali "Tahiri", se me kë bashkëqeveris Rama e treguan përgjimet e antimafias italiane". Kontributi i Edi Ramës për drejtësinë është sulmi ndaj prokurorëve, ndaj dëshmitarëve, policëve të ndershëm e madje edhe ndaj gazetarëve, siç bëri pasi plasi skandali Tahiri". "Ndaj me paturpësi, përpjekjen e opozitës dhe gjithë shoqërisë për të çliruar politikën nga Sajmir Tahirët e drogës, nga ministrat që fikin radarët e ushtrisë dhe nga policët që ngarkojnë thasët e drogës, e quajti sot një grindje të vogël", vijoi më tej, kreu i PD- së. Sipas tij, "Drejtësia që Sajmir Tahiri dhe Edi Rama u ka dhënë shqiptarëve janë njerëzit e ndershëm, njerëzit e varfër që janë rrëmbyer në kundërshtim me ligjin për akuza qesharake. Kriminelët janë nxjerrë nga burgu, janë bërë deputetë dhe kryetarë bashkie, drejtorë dhe "biznesmenë". "Edi Rama dhe shteti mafioz që ai drejton e arrestoi dhe e çoi në vetëvrasje 22- vjeçarin Estref Halili nga Kolonja e Lushnjës për një cigare hashash. Për Tahirin, që është kapur në përgjimet e antimafias me tonelata hashash nuk ka arrest, por mbrojtje politike me imunitet",- risolli në vëmendje, Basha. "Melita Çenga, infermiere nga Shkodra, Brunilda Meka nga Korça u hoqën nga puna dhe shkuan drejt vetëvrasjes se nuk mbanin dot familjen. Tahiri që në përgjimet e antimafias del se merrte 30 mijë euro vetëm për një ngarkesë, bredh i lirë, sepse e mbron Edi Rama. Resmije Alla, 35 vjeç humbi jetën duke rilidhur korrentin për pompën e frymës së djalit të saj 6 vjeç me astmë, se nuk kishte
mundësi të paguante faturën e rritur. Tahiri merr 9 mijë euro byzylykë, 15 mijë euro diamante nga trafikantët, mban syze 10 mijë euro, por për Edi Ramën këto janë letra bakalli", janë këto rastet që denoncoi kreu i PD- së, Lulzim Basha. Më tej ai vijoi me emra të tjerë. "Qamil Zela, i burgosur, i vetëvarur për një borxh prej 3 mijë e 200 lekësh ndaj OSHEE, Arif Doda, Klajdi Muça, Llazar Nasi, Gjovalin Gjini, e dhjetëra të tjerë, i ka çuar Edi Rama drejt vetëvrasjes për faturën e energjisë, por për
ministrin e tij të Brendshëm me targë AA003GB që bënte trafik droge, nuk ka prova. Sepse atij "nuk i mjaftojnë 20 milionë euro për fushatë" siç shprehen bashkëqeverisësit Habilaj në përgjimet e antimafias",- nënvizoi Basha. Kreu i PD- së, tha se "Edi Rama dhe qeveria e tij janë të zhytur në krim dhe të kapur nga krimi. Shteti mafioz që burgos dhe dhunon të varfrit dhe mbron e ndihmon kriminelët dhe politikanët e lidhur me krimin duhet shembur nga themelet". Arresti ndaj Zaganit u bë pasi më 2 maj 2014 gjyqtarja Flora Hajredinaj kishte caktuar ndaj tij masën e sigurisë në mungesë arrest me burg për shpërdorim detyre e moskallëzim krimi, masë kjo e kërkuar nga prokurori Anton Martini. Por, kjo masë arresti me burg ndaj Zaganit u shua pasi më 8 nëntor 2014 Gjykata e Krimeve të Rënda caktoi ndaj tij masën e sigurisë arrest në shtëpie.
Kreu i PD- së, tha se "Edi Rama dhe qeveria e tij janë të zhytur në krim dhe të kapur nga krimi. Shteti mafioz që burgos dhe dhunon të varfrit dhe mbron e ndihmon kriminelët dhe politikanët e lidhur me krimin duhet shembur nga themelet".