Reforma në drejtësi, si ndryshojnë tarifat e çështjeve gjyqësore
Projektligji në Kuvend, padi për divorcin kushton 5 mijë lekë Cilat janë kategoritë që përjashtohen nga pagesat
Komisioni parlamen tar i Ligjeve miratoi javën e shkuar projektligjin për tarifat dhe shpenzimet gjyqësore. Sipas relacionit të paraqitur, bashkëngjitur ligjit që do të miratohet edhe në seancën plenare, "Duke qenë se sistemi i tarifave gjyqësore aktuale nuk reflekton shpenzimet për funksionimin e sistemit të gjykatave dhe taksapaguesit ngarkohen me barrën e mbajtjes së këtij shërbimi, ky ligj ka për synim kalimin, për sa të jetë e mundur, të kësaj barre, fillimisht, te palët ndërgjyqëse, të cilët iniciojnë procesin gjyqësor". Në të njëjtën kohë, me qëllimin që t'i jepet e vëmendje individëve, të cilët kërkojnë drejtësi, por që nuk mund të përballojnë tarifa gjyqësore të larta, kategori të caktuara gjykimi ose shërbimi janë të përjashtuara nga tarifat gjyqësore ose kanë vlerë të pranueshme. Tarifat e përgjithshme gjyqësore aplikohen para fillimit të çështjes dhe mbi këtë bazë nis gjykimi. Ato përllogariten mbi bazën e vlerës së çështjes. Ky nen është elementi thelbësor i sistemit të ri shqiptar për tarifat gjyqësore. Për gjykimin e kërkesave civile, administrative dhe penale është parashikuar një tarifë fikse prej 2.500 ( dymijepesëqind) lekësh. Ndërkohë një tarifë fikse prej 5.000 ( pesëmijë) lekësh është parashikuar edhe për: gjykimet e ankimeve të veçanta, ankimit kundër një vendimi penal në gjykatën e apelit, paraqitjen e rekursit kundër një vendimi penal në Gjykatën e Lartë, për çështjet penale me të dëmtuar akuzues; ndërkohë që ankimimi për këto të fundit do të ketë si tarifë fikse shumën prej 2.500 lekësh. Tarifat janë përcaktuar me qëllim ruajtjen e ekuilibrit mes të ardhurave mesatare minimale të Shqipërisë nga një anë dhe sigurimit të drejtës për akses në drejtësi nga ana tjetër. Risi janë parashikuar në pikat 3- 6 të nenit 4, ku parashikohet se paditësi është ai që përcakton vlerën e padisë dhe, nëse kjo përllogaritje nuk është paraqitur në padi, gjykata e kthen