Drejtoi institucionin e spiunazhit për 5 vjet, jep dorëheqjen Visho Ajazi Lika
Zbulohet formulari i dekriminalizimit, kreu i ri i SHISH ka dy identitete Takim 30 minuta, Edi Rama i propozoi Metës, 46- vjeçarin Helidon Bendon
Drejtori i Shërbimit In formativ Shtetëror ( SHISH), Visho Ajazi Lika ka dhënë dorëheqjen pas 5 vitesh në krye të këtij institucioni. Burime zyrtare nga Kryeministria dhe Presidenca dje bënë me dije se Visho Ajazi Lika e ka dhënë dorëheqjen përfundimtare që të premten. Ndërkohë që në vend të tij është propozuar Helidon Bendo, i cili ka mbajtur detyrën e zëvendësdrejtorit të SHISH që nga prilli i vitit 2016. Mësohet se pasi Visho Ajazi Lika ia ka paraqitur zyrtarisht largimin nga detyra kryeministrit Edi Rama, ky i fundit i propozoi Presidentit Ilir Meta emrin e ri të drejtorit të SHISH. Kjo, gjatë një takimi të zhvilluar mesditën e djeshme. Vetë e zyra e shtypit pranë kryeministrit ka dhënë detaje nga ky takimi i Ramës me Metën. Në njoftimin e shpërndarë për mediat thuhet: "Kryeministri Edi Rama zhvilloi një takim 30- minutësh me Presidentin e Republikës, ku paraqiti propozimin për lirim të drejtorit të Shërbimit Informativ, Visho Ajazi dhe emërimin në këtë detyrë të zv. drejtorit të Shërbimit Informativ, Helidon Bendo". Gjithashtu, në këtë njoftim thuhet se "propozimi i kryeministrit për lirim dhe emërim në krye të Shërbimit Informativ Shtetëror erdhi pas dorëheqjes nga detyra të drejtorit të këtij shërbimi, të cilën kryetari i qeverisë e mirëpriti duke e falënderuar zotin Visho Ajazi për kontributin e tij". Takimi mes kryeministrit dhe presidentit ishte i pari që prej betimit të qeverisë së re. Visho Ajazi Lika u emërua në detyrën e drejtorit të SHISH në gusht të vitit 2012 nga kryeministri Sali Berisha dhe me dekret të Bujar Nishanit, por ligji përcakton se mandati i drejtorit të Shërbimit Informativ është i pakufizuar, duke lënë vetëm dy opsione për largimin e tij: ose me vendimmarrje personale të drejtorit të SHISH- it, ose me konsensus Kryeministri- Presidencë. Sipas ligjit, shefi i Shërbimit Informativ propozohet nga kryeministri dhe dekretohet nga presidenti. Helidon Bendo duhet të marrë dekretin e Presidentit të Republikës përpara se të ulet në karrigen e drejtorit të ri të SHISH.
DREJTORI I RI I SHISH
Kreu i ri i SHISH është emëruar Helidon Bendo pas dorëheqjes së Visho Ajazi
Likës. Ai u emërua si zv. drejtor i SHISH në prill të vitit 2016. Nga plotësimi i formularit të vetëdeklarimit për ligjin e dekriminalizimit, Bendo rezulton se ka dy identitete. Ai mban edhe emrin Johan Bendo. Këtë identitet, ai e përdorte gjatë qëndrimit në Greqi. Në formularin e vetëdeklarimit, Helidon Bendo sqaron se Johan është emri i pagëzimit të tij. 46vjeçari ka eksperiencë 21vjeçare në SHISH ku ka mbajtur detyra të ndryshme si:
inspektor terreni, kryetar dege, drejtor drejtorie në disa qarqe të vendit dhe drejtor drejtorie në AQ. Bendo ka lindur më datën 12 maj 1971 në qytetin e Korçës. Ai është i martuar dhe ka dy fëmijë. Ai është diplomuar në vitin 1993 për matematikë në Fakultetin e Shkencave të Natyrës, ka një master në studime për sigurinë, si edhe një trajnim tremujor në fushën e sigurisë pranë Universitetit "George Town" në SHBA.
Visho Ajazi Lika ka drejtuar për 5 vite institucionin më të rëndësishëm të spiunazhit në vend që kur u emërua nga Sali Berisha, në vitin 2012- të. Por nëse bëjmë një bilanc të detyrës së tij, ajo është e mbushur me të papritura dhe skandale, siç ishte ai i përgjimeve. Pasi Ilir Meta u bashkua me Edi Ramën në 2013- ën, Komisioni i Sigurisë zbuloi se Visho Ajazi Lika ishte urdhëruar nga Sali Berisha Mesditën e djeshme, kryeministri Edi Rama zhvilloi një takim 30 minutësh me Presidentin e Republikës, Ilir Meta. Gjatë këtij takimi, Rama i paraqiti propozimin për lirim të Drejtorit të Shërbimit Informativ, Visho Ajazi, dhe emërim në këtë detyrë të zv. drejtorit të Shërbimit Informativ, Helidon Bendo".
që të përgjonte. U zbulua se një numër i madh politikanësh dhe 25 deputetë të mazhorancës ishin përgjuar, mes tyre edhe Edi Rama dhe Ilir Meta. Po ashtu edhe Saimir Tahiri, Erion Veliaj, Vangjel Dule, Tom Doshi, Ben Blushi, Taulant Balla etj. Ndërsa në PD, veç Lulzim Bashës, të përgjuar figuronin edhe Astrit Patozi, Ilir Rusmali dhe Sokol Olldashi. Pas këtij skandali, Komisioni i Sigurisë ngriti një komision hetimor, por nuk u arrit në asnjë konkluzion. Në
vitin 2014, Visho Ajazi Likës i shpërtheu një tjetër skandal. Ai u thirr në Komisionin e Sigurisë për të raportuar, por doli se i kishte skaduar certifikata e sigurisë. Rezultoi se kreu i SHISH kishte 6 muaj që nuk kishte certifikatë sigurie, sikundër përcakton ligji në rastet e zotërimit të dokumenteve që konsiderohen si sekret shtetëror. Pas marrjes së detyrës, Visho u akuzua gjithashtu se e mbushi institucionin me agjentë të ishSHIK të Bashkim Gazidedes.