Organet e vetingut nisin punën, Lu: Ditë shprese për Shqipërinë
Rama, mesazh komisionerëve: Drejtësi, pa gjykatës e prokurorë të korruptuar Vlahutin: Reforma në drejtësi ka startuar
Organet e vetingut nisën dje zyrtarisht punën. Tri komisionet e reformës në drejtësi nisin zyrtarisht punën. Në inaugurimin e godinës ku do të ushtrojnë funksionin Genta Bungo, kreu i Komisionit të Kualifikimit dhe Natasha Mulaj, që drejton Kolegjin e Apelimit e vunë theksin tek angazhimi që duhet për të reformuar sistemin e drejtësisë. Ndërsa dy ambasadorët Lu e Vlahudin e konsideruan këtë ditë si shumë të rëndësishme dhe shpresë për Shqipërinë. Për dy ambasadorët që kanë ndjekur nga afër reformën në drejtësi, Donald Lu dhe Romana Vlahutin, nisja e procesit të vetingut është një ditë e madhe dhe shprese për Shqipërinë. Pas ceremonisë së inaugurimit të godinës së re të vetingut, tek ish- ndërtesa e Lidhjes së Shkrimtarëve dhe Artistëve, Lu tha se është një ditë shprese. Anë e mbanë botës kemi kaq shumë lajme të këqija dhe sot ( dje) është një ditë për shpresë në Shqipëri", deklaroi ambasadori i SHBA- ve në Tiranë. Kurse, ambasadorja e BE- së në Tiranë Romana Vlahutin deklaroi: "Jemi shumë të lumtur, sepse në një farë mënyre reforma ka startuar, po shohim edhe një staf të dedikuar në institucionet e vetingut". Kryeministri Edi Rama iu uroi suksese komisionerëve të vetingut, pas inaugurimit të godinës së re, që do jetë tek ish- godina e Lidhjes së Shkrimtarëve dhe Artistëve. Rama shkruan në ' Twitter' se njerëzit e këtij vendi meritojnë një sistem drejtësie pa gjykatës e prokurorë të korruptuar. "Urime, kurajë, suksese komisionerëve të vetingut! Njerëzit e këtij vendi meritojnë një sistem drejtësie pa gjykatës e prokurorë të korruptuar", shprehet z. Rama. Genta Bungo, kreu i Komisionit të Kualifikimit dhe Natasha Mulaj, që drejton Kolegjin e Apelimit e vunë theksin tek angazhimi që duhet për të reformuar sistemin e drejtësisë. Kryetarja e Kolegjit të Apelimi, Natasha
Mulaj, u premtoi të gjithë qytetarëve se do të bëhet drejtësi dhe do të marrë fund epoka e të korruptuarve. Nga ish- godina e Lidhjes së Shkrimtarëve dhe Artistëve, ku u inaugurua godina e vetingut, Mulaj deklaroi se do të fitohet besimi i qytetarëve te drejtësia dhe do të bëhet
drejtësi, edhe sikur qiejt të përmbysen. "Për shkak të eksperiencave të hidhura në përballje me drejtësinë e kanë dëmtuar shumë besimin tek institucionet. Është fakt se pa pastruar radhët tona dhe pa konfirmuar para publikut se jemi ndarë nga korrupsioni, do të ishte e pamundur të ri- Kryetarja e Kolegjit të Apelimi, Natasha Mulaj, premtoi se do të bëhet drejtësi dhe do të marrë fund epoka e të korruptuarve. "Të bëhet drejtësi, edhe nëse ' qielli përmbyset'. Ne duhet të bëjmë detyrën tonë në emër të Shqipërisë së drejtë e të ndershme, të bëjmë drejtësi edhe sikur ' qiejt të përmbysen'", - tha Mulaj.
fillojmë përmbushjen e një prej betejave tona më madhore, atë të bindjes te publiku se edhe drejtësia shqiptare është e drejtë. Të gjithë kanë pasur të paktën një eksperiencë të hidhur në drejtësi, duke krijuar kështu bindjen se duhet të jesh i pasur për ta pasur atë. Ne
jemi këtu për të provuar se shumë shpejt do të bëjmë ndryshimin epokal, që do të jetë shumë i vështirë. Transparenca dhe përçimi i saj te publiku është një dimension ekzistencial i punës sonë. Nëse nuk do arrijmë të rrisim besimin e qytetarëve te drejtësia, ne nuk do të mund
të përmbushim misionin tonë. Për këtë kemi nevojë për mbështetje. ' Të bëhet drejtësi, edhe nëse qielli përmbyset'. Ne duhet të bëjmë detyrën tonë në emër të Shqipërisë së drejtë e të ndershme, të bëjmë drejtësi edhe sikur qiejt të përmbysen", deklaroi Mulaj.