Parandalohet krimi në familje, burri dhunë psikologjike ndaj bashkëshortes
INSTAT: Rriten rastet e raportimit të dhunës në familje në kryeqytet Iu gjet në banesë armë zjarri, në pranga 44- vjeçari
Një ngjarje e rëndë ësh të parandaluar dje nga policia e Tiranës, ku ka rënë në pranga një 44vjeçar, i cili ushtronte dhunë ndaj bashkëshortes së tij. Uniformat blu janë njoftuar nëpërmjet një telefonate për një rast konflikti në një banesë në Picarë, Vorë.
Mësohet se shërbimet e Komisariatit të Policisë Vorë janë nisur menjëherë për në vendngjarje, ku kanë konstatuar një konflikt në familje. Forcat policore kanë bërë të mundur parandalimin e përshkallëzimit të këtij konflikti, pasi shtetasi Saimir P., po ushtronte dhunë psikologjike ndaj bashkëshortes së tij, shtetases M. P.. Nga kontrolli i banesës së këtij shtetasi janë gjetur dhe sekuestruar në cilësinë e provës materiale një armë zjarri, automatik model 56, me tre krehër dhe 90 fishekë dhe një armë e ftohtë, thikë me dy tehe. Nga veprimet hetimore të kryera dhe provat materiale të sekuestruara, oficerët e Policisë Gjyqësore kanë bërë arrestimin në flagrancë të shtetasit Saimir P., 44 vjeç, banues në Picar, Vorë. Materialet procedurale iu kaluan Prokurorisë pranë Gjykatës së Shkallës së Parë Tiranë, për veprat penale "Dhuna në familje", "Mbajtja pa leje e armëve dhe municionit luftarak" dhe "Mbajtja pa leje e armëve të ftohta". Sakaq, dhuna në familje përbën një fenomen shqetësues dhe gjendet në të gjitha kulturat, duke ndikuar negativisht në integritetin fizik, psikosocial dhe ekonomik të personit ndaj të cilit ushtrohet dhunë.
TË DHËNA PËR DHUNËN NË FAMILJE
Më herët instituti i statistikave ka raportuar se rastet e raportimit të dhunës në familje janë në rritje përkatësisht në Tiranë dhe në Durrës. INSTAT ka sqaruar se është e vështirë të matet niveli për përhapjen e Forcat policore kanë bërë të mundur parandalimin e përshkallëzimit të konfliktit në familje, duke vënë në pranga shtetasin Saimir P., i cili po ushtronte dhunë psikologjike ndaj bashkëshortes së tij, shtetases M. P.. dhunës në familje, pasi ky fenomen konsiderohet si çështje familjare. Si rrjedhojë, ndër faktorët që mund të ndikojnë në raportimin e ulët të dhunës në familje, mund të përmenden turpi, frika nga ndëshkimi, normat kulturore dhe stereotipat që ekzistojnë për dhunën në familje. Të dhënat e raportuara nga Drejtoria e Përgjithshme e Policisë tregojnë se në vitin 2016 duke e krahasuar me 2015 kemi 7,3 % raportime më shumë. Në total, në rang vendi në 2016 numërohen 3.900 raportime të dhunës në familje. Gjithashtu, nga shifrat e pasqyruara vihet re se norma e ndryshimit në numrin e raportimeve të dhunës në familje ka rritje për vitin 2016 krahasuar me 2012, konkretisht rreth 46,5 % më shumë raportime. Shprehur në terma absolut rreth 1.174 denoncime të dhunës më shumë.