Rama: Do të ketë 4 drejtori arsimore të shpërndara në 4 rajone në të gjithë vendin
Nikolla: Do të fillojë reforma tërësore
Në
vendin tonë tashmë do të ketë vetëm 4 drejtori arsimore të vendosura në 4 rajone. Lajmi është bërë me dije nga kryeministri Edi Rama gjatë një diskutimi mbi zhvillimin profesional të mësuesve ditën e djeshme. Sipas një harte të ndërtuar mbi bazën e zhvillimit ekonomik dhe jo në sensin e ndarjes administrative, drejtoritë do të vendosen në 4 rajone. Sipas kryeministrit, do të ndryshojë edhe roli i zyrave arsimore, duke u bërë kështu nga zyra emërimesh dhe shkarkimesh, në garant të cilësisë në funksion të realizimit të programit. Rama tha se portali i "Mësuesve për Shqipërinë" ka dhënë rezultate të qarta. "Portali do të bëjë të panevojshme ndërhyrjen njerëzore, bazën e të dhënave për pikët e testeve, krediteve, çdo zëvendësim kur dikush del në pension do të bëhet në mënyrë kompjuterike", shtoi më tej kryeministri. Gjatë këtij diskutimi ishte e pranishme edhe ministrja e Arsimit, Sportit dhe Rinisë, Lindita Nikol- la, e cila theksoi se do të fillojë një reformë tërësore. Kjo do të bëhet duke rritur nivelin mesatar e duke aplikuar kuotat e mbyllura. Ndërsa për testin që kryen mësuesit, Nikolla e vlerësoi atë të një niveli mesatar. Sipas saj, në universitete janë regjistruar rreth 400 studentë për t'u bërë më- sues që tregu i punës nuk i përthith. "Në janar startojmë me programin dhe platformën e re, duke vënë theksin tek universitetet dhe fakultetet e edukimit. Do të akreditojmë ato universitete që kualifikojnë mësues cilësorë", tha ministrja e Arsimit.