"Bomba" e mediave greke: Karteli i drogës nën urdhrat e Saimir Tahirit
Dëshmia e policit grek: Si e zbulova grupin që drejtohej nga biznesmeni Kardamis "Zougla": Trafikonte marijuanë në Turqi dhe merrte heroinë
Katër ditë pas sekues trimit të 1.6 tonëve drogë dhe arrestimit të 11 personave, mediat greke kanë zbardhur detaje të reja në lidhje me superoperacionin, ndërsa kanë "plasur bombën". "Zougla", thotë se karteli i drogës bëhej nën urdhrat e ish- ministrit të Brendshëm Saimir Tahiri si dhe njerëzve pranë kryeministrit Edi Rama. Media greke "Zougla" shkruan se karteli çonte marijuanë në Turqi dhe merrte heroinë. Gjithashtu, në artikull thuhet se sasia e drogës u zbulua nga shërbimet amerikane, ndërkohë që në operacion morën pjesee shërbimet greke dhe ato italiane. "Të gjitha këto shërbime arritën në përfundimin se karteli funksiononte nën urdhrat apo tolerancën e ishministrit Saimir Tahiri",- thuhet në artikull, ndërsa shkruhet më tej se trafiku bëhej nën urdhrat edhe të drejtuesve që ndodhen pranë kryeministrit Edi Rama. Mes të arrestuarve është edhe biznesmeni nga Mykono, pronar i restorantit "Olla", Spiro Kardhami, i cili rezulton të jetë pronar i 3 prej 4 gomoneve që përdorte karteli. Nga kontrollet e policisë, në portbagazhin e makinës së Kardhamit u gjetën dokumente që tregonin funksionimin e kartelit. Dëshmia e oficerit grek: "Jam oficer policie i antidrogës së rojës bregdetare. Në fillim të gushtit 2017 më erdhi informacioni për këtë grup kriminal. "Rezultoi se përdoruesi i numrit ishte S. K., banues në Glifadha, biznesmen dhe përfaqësues i ligjshëm i një birrarierestorant në Mykono. Gjatë hetimit të çështjes rezultoi se autoritetet italiane sekuestruan 2261.50 kg cannabis sativa, një skaf të shpejtësisë së lartë të quajtur TATAMITA, në 04.08.2017 në ujërat italiane. Ky skaf është i regjistruar në BEMS të rojës bregdetare në pronësi të kompanisë në pronësi të S. K. ( drejtues). Kjo gomone në qershor 2017 ishte parë në rrugën Athinë- Korinth duke u transportuar me një mjet drejt një magazinë në zonës e Aspropirgos. Më pas ajo është parë të transportohet nga porti i Killinit drejt parkingut të skafeve të Dh. L. në Amaliadha, Ilea. Sipas të dhënave, kjo gomone kishte pësuar defekt dhe pasi u rregullua midis 31/ 07/ 2017 dhe 01/ 08/ 2017, vazhdoi me trafikimin e drogës, siç rezultoi më vonë me sekuestrimin e 2261.50 kg cannabis në 04/ 08/ 2017 nga autoritetet italiane. Rezultoi se S. K., pasditen e 31/ 07/ 2017 u nis nga Athina dhe në mesnatë arriti në Ilea, kohë gjatë së cilës nisi rruga e paligjshme e TATAMITA dhe menjëherë u kthye ne Athinë të nesërmen në mëngjes. Pas pak ditësh erdhi një avokat dhe tha që interesohet pronari për mjetin. Mjeti rezultoi, sipas dokumenteve, në pronësi të shtetasit S. K.. Kjo Mediat greke kanë nxjerrë informacione dhe foto të reja lidhur me operacionin antidrogë, ndërsa flasin për një bos të madh shqiptar. Pas sekuestrimit të sasisë prej 1.6 tonë drogë nga autoritetet në brigjet e Kostandinopojës, policia greke është vënë në kërkim të "bosit të madh", që thuhet se është me origjinë shqiptare dhe jeton në një vilë në bregdet.