Cutting syndrome ( sindroma e prerjes) dhe sjellje të tjera vetëdëmtuese tek adoleshentët
të rënda për shkak të instrumenteve të përdorura për vetëdëmtim, plagëve të hapura në kontakt me mjedisin dhe bakteret përreth, të cilat sërish kanë pasoja fatale për jetën.
Pavarësisht vështirësisë për të kuptuar zhvillimin e kësaj sjelljeje, përveç zhvendosjes së vëmendjes nga emocionet negative, janë edhe një sërë faktorësh që ndikojnë duke filluar nga imitimi i sjelljes brenda grupit të adoleshentëve, pasi kthehet në një lloj modeli i aplikuar nga grupi i adoleshentëve që ndajnë eksperienca jetësore, përjetime e forma lehtësimi me njëri tjetrin, duke krijuar trendin të cilin e mbajnë sekret dhe e ndajnë vetëm me ata që veprojnë në të njëjtën mënyrë, duke vazhduar me nevojën për të marrë vëmendje dhe kujdes nga prindërit, të rriturit e tjerë apo bashkëmoshatarët, apo të ndjerit e diçkaje të fortë brenda vetes në momentet kur nuk kanë asnjë lloj stimuli. Gjithashtu, shkas mund të bëhen site të ndryshme në mediat sociale ku adoleshentët promovojnë këto lloj sjelljesh si normale, tërheqëse dhe protestuese për adoleshentët, të cilët kuptojnë shumë mirë njëritjetrin, por të tjerët nuk i kuptojnë dot ata.
Por, le të fokusohemi, te vetëdëmtimi që disa individë e krijojnë si zakon për të përballuar dhimbjen emocionale dhe që e mbajnë sekret e nuk duan ta ndajnë me askënd tjetër. Ata ndjejnë se është njëlloj lehtësimi i përkohshëm shpirtëror duke e bërë vetëdëmtimin një sjellje të përforcuar në vazhdim dhe sa më shumë e praktikojnë aq më e fortë bëhet kjo sjellje. Mjafton një grindje në familje, në shkollë, me partnerin apo thjesht ndjesia e të qenit i paaftë për t'u përballur me kërkesat, vërejtjet e vazhdueshme që individi ta përsërisë sjelljen vetëdëmtuese si çlirim.
Disa nga format e sjelljes që ju bëjnë të dyshoni/ kuptoni së adoleshenti po kryen sjellje vetëdëmtuese janë plagë që në vend të shërohen bëhen më problematike, disa prerje në një vend të caktuar të trupit p. sh: në parakrah mund të ketë shenja në formë vijash të njëpasnjëshme, mbajtja e veshjeve, që nuk tregojnë gjymtyrët dhe të qenit i kujdesshëm për të mos zbuluar këto pjesë të trupit as në ambientet e shtëpisë e as në shkollë gjatë orës së fizkulturës p. sh, apo gjatë stinëve të ngrohta adoleshentët zgjedhin të përdorin veshje, të cilat i mbulojnë gjymtyrët krejtësisht, tërheqje sociale, shmangie nga aktivitete të ndryshme shoqërore, të qëndruarit vetëm shumë më tepër se përpara apo prania e mjeteve prerëse në çantë apo dhomë ndryshe nga rutina e mëparshme.
Nëse vëreni se adoleshenti ka kryer sjellje vetëdëmtuese, qoftë edhe një herë të vetme, flisni rreth problemit dhe konsultohuni me një specialist të fushës për mënyrën sesi mund të komunikoni me fëmijën tuaj dhe jini vigjilent për çka ndodh përreth e me kë shoqërohet, si i përballon emocionet e forta dhe situatat stresante dhe, nëse sjellja vetëdëmtuese ka tendencën të përsëritet duhet të merrni seriozisht në konsideratë faktin se mund të jetë duke u zhvilluar një problem serioz i shëndetit mendor dhe jo vetëm një sjellje e fituar, e cila mund të tejkalohet me vullnetin dhe dëshirën tuaj për ta ndryshuar atë. * Psikologe klinike,
terapiste, EMDR