Shkarkimi i Zgurit, PS tërheq kërkesën, Rama: Dialog me opozitën
Opozita kundërshton nismën, Bylykbashi: Nuk është çështje e Kuvendit "Nëse ka vdekur pakti i 18 majit, Zguri dëshmori i parë"
"Nëse marrëveshja ka vdekur, zoti Zguri është dëshmori i parë i vetë marrëveshjes. Mendoj që nuk është sot momenti për ta bërë këtë debat. Ajo që tashmë kishte të bënte me mospërdorimin e shumicës për t'i dhënë fund këtij debati me logjikën e shumicës, siç e bëtë ju. Ta mbyllim me kaq. Ta bëjmë një diskutim se nuk vjen gjë e keqe nga diskutimi. Ju mund të qëndroni në pozicionin tuaj, ne në tonin",- u shpreh Rama.
Kryeministri Edi Rama pranoi dje, kërkesën e Partisë Demokratike për të hequr nga kalendari tre javor i punimeve të Kuvendit kërkesën për shkarkimin e kryetarit të KQZsë, Klement Zguri. Edhe pse kërkesa e PS- së ishte bërë zyrtare, bashkë me firmat e deputetëve, ajo hasi në kundërshtinë e opozitës fillimisht në mbledhjen e Konferencës së Kryetarëve dhe më pas edhe në mbyllje të seancës së Kuvendit. Kryetari i Kuvendit, Gramoz Ruçi propozoi që kalendari të hidhej në votim, pasi nuk kishte kaluar me konsensus pikërisht për shkak të kësaj kërkese. Deputeti i PD- së, Oerd Bylykbashi propozoi që kërkesa të tërhiqej, duke shtuar se ajo ishte joligjore dhe e pambështetur në prova e fakte. Po ashtu kërkesën për tërheqje të kërkesës socialistëve ua bëri edhe kreu i republikanëve Fatmir Mediu, i cili hodhi propozimin që të uleshin e të diskutonin, në kuadër edhe të reformës zgjedhore. Në këtë moment reagoi kryeministri Edi Rama, i cili pranoi kërkesën e Mediut, me propozimin që të hapet dialog me opozitën. "Unë propozoj që ne mos ta përfshijmë në kalendar, ta marrim në konsideratë kërkesën e opozitës, pa pjesën retorike të kërkesës që bëri zoti Mediu, pastaj të shfrytëzojmë kohën për të diskutuar, ta bëjnë në mënyrë që të kuptojmë qartë për qëllimet në rastin konkret që kanë pasur deputetët që kanë firmosur propozimin",- u shpreh Rama. Në këtë moment edhe kryetari i Grupit Parlamentar të PS- së, Taulant Balla u shpreh dakord me propozimin e kryeministrit, por pyeti kreun e PD- së nëse marrëveshja e 18 majit ka vdekur. Basha u përgjigj duke thënë se këtë marrëveshje e vrau PS. "Ligji thotë që të shkarkohet kryetari i KQZ- së duhet të vijë propozim nga 5 anëtarë të KQZ- së. E motivi me të cilin doni të shkarkoni Klement Zgurin është i rremë. Qëndrimi që ka mbajtur Zguri për rastin e kryetarit të Mallakastrës është qëndrimi që ka mbajtur Denar Biba. Ju
kërkoj që bashkë me reflektimin e sotëm të kërkoni ndjesë për këtë shkelje flagrante të ligjit. Ju kërkoj të mos e pranoni, ta refuzoni, jo si favor, as si mëshirë, por si detyrim ligjit për ta hequr nga programi",- u shpreh Basha. Debati vijoi më tej me përgjigjen e
kryeministrit Rama. "Nëse marrëveshja ka vdekur, zoti Zguri është dëshmori i parë i vetë marrëveshjes. Mendoj që nuk është sot momenti për ta bërë këtë debat. Ajo që tashmë kishte të bënte me mospërdorimin e shumicës për t'i dhënë fund këtij debati me logjikën e Konferenca e Kryetarëve nuk vendosi asgjë dje, në lidhje me mandatin e Kryeprokurorit Adriatik Llalla. Maxhoranca pritet të mos ketë një nismë për ta shkarkuar, ndërkohë skenarët mbeten të hapur. Mundet që vetë Kuvendi të nisë procedurat për emrin e ri, ose Llalla mund të qëndrojë në detyrë deri në përfundim të vetingut.
shumicës, siç e bëtë ju. Ta mbyllim me kaq. Ta bëjmë një diskutim se nuk vjen gjë e keqe nga diskutimi. Ju mund të qëndroni në pozicionin tuaj, ne në tonin. Mund të gjejmë një pozicion tjetër, kjo është diçka që do të varet nga diskutimi", - u shpreh Rama.