Nga Bukureshti, për Pavarësinë

Dita Kombëtare e Shqipërisë është festuar edhe në Bukuresht. Me rastin e Ditës Kombëtare të Shqipërisë dhe pritjes së organizuar nga komuniteti shqiptar me këtë rast në Klubin Diplomatik në Bukuresht, u nderuan miq të mëdhenj të popullit shqiptar, akademiku Grigore Brancus, përkthyesi i mirënjohur dhe shkrimtari Marius Dobrescu dhe ambasadori Gheorghe Micu, të cilëve iu dha një Diplomë Nderi si dhe një Pllakë përvjetori për kontributin e tyre në promovimin e miqësisë dhe lidhjeve shqiptaro- rumune, por edhe në fushën e shkencës e kulturës. Të nderuarit miq të Shqipërisë morën urimet dhe mirënjohjen nga të gjithë pjesëmarrësit. Programi i festimit të Ditës së Flamurit përfshiu valle popullore shqiptare dhe një recital me këngë lirike qytetare shqiptare, të interpretuara profesionalisht nga artistja lirike Florentina Barbu dhe nga kitaristi Daniel Berte º teanu. Në këtë eveniment festiv morën pjesë Alin- Bogdan Stoica, deputet në parlamentin e Rumanisë dhe Radu- Cozmin Sãvulescu, kryetar i shoqatës ALAR. Morën pjesë, gjithashtu, personalitete të kulturës rumune me origjinë shqiptare, anëtarë të komunitetit shqiptar historik të Rumanisë, si shkrimtari dhe dramaturgu i shquar Vlad Zografi, trashëgimtar i familjes së Dhimitër Zografit, një nga nënshkrues- it e Dokumentit të Pavarësisë, vajza e poetit të shquar me origjinë shqiptare Cezar Ivanescu, shkrimtari me origjinë shqiptare dhe arkeologu i mirënjohur Dr. Liviu Lungu, profesorja universitare me origjinë shqiptare, Daniela Bordea etj. Ishin të pranishëm edhe studiues e profesorë universitarë si albanologia Catalina Vatasescu, studiuesit Nicolae Saramandu, Manuela Nevaci etj. Aktivitetin e nderuan një numër i madh politikanësh, deputetë të parlamentit të Rumanisë, diplomatë, këshilltarë të Presidentit të Rumanisë, njerëz të kulturës, universitarë, gazetarë, miq e dashamirës të Shqipërisë dhe shqiptarëve. Kanali kryesor TVR1, përgatiti një emision të posaçëm me rastin e Festës Kombëtare të Shqipërisë. Është për të ardhur keq se në këtë eveniment, organizuar nga komuniteti shqiptar i Rumanisë, nuk mori pjesë Ilir Tepelena, ambasadori i Shqipërisë në Rumani. Ky ambasador nuk ka munguar në veprimtari të tjera, me rëndësi të posaçme për kulturën dhe komunitetin shqiptar, siç janë promovimi i librit të poetes së mirënjohur shqiptare Rita Petro, simpoziumi kushtuar 70- vjetorit të vdekjes së Asdrenit, takimet me personalitete rumune, jeta dhe aktiviteti i të cilëve ka qenë ngushtësisht i lidhur me Shqipërinë, gjuhën dhe kulturën shqiptare.