Partizani fiton të parën dhe ëndërron Hoxhallarin
Drejtori Preiti ka në listë edhe Albi Dokën, por Erioli duket më i arritshëm Të kuqtë thyejnë Pogradecin me golin e Sukajt
Takimi Pogradeci- Par tizani ka ulur siparin e ndeshjeve të para të vlefshme për turin e dytë të Kupës së Shqipërisë. Në stadiumin "Gjorgjy Kyçyku" të qytetit liqenor, të kuqtë e Starovës, që shleu me këtë takim dhe dënimin prej dy ndeshjesh nga Komisioni i Disiplinës, kanë fituar minimalisht me rezultatin 1- 0 falë golit të vonë të sulmuesit Xhevahir Sukaj. Të kuqtë kishin rreshtuar formacionin e parë për këtë përballje, por shirat e dendur e kishin rënduar terrenin e lojës. 45 minutat e para u mbyllën me shifrat e barabarta 0- 0, ndërsa në pjesën e dytë Partizani aktivizon sulmuesin shkodran, nga këmbët e të cilit erdhi dhe goli i fitores në minutën e 85- të të takimit. Me këtë sukses, kryeqytetasit praktikisht hipotekojnë kalimin për në çerekfinale, pasi ndeshja e kthimit mes dy ekipeve do të luhet në Tiranë. Në përfundim të ndeshjes, zëvendëstrajneri Klevis Dalipi deklaroi se të kuqtë tashmë mund të fokusohen lirshëm në kampionat.
MERKATO
"Partizanin e vërtetë do ta shihni në janar. Do të afrojmë lojtarë cilësorë", - shprehej Luçiano Moxhi, në TVSH, pas ndeshjes së fituar me Kukësin. Italiani, i cili ka pas vetes trajnerin Sulejman Starova, drejtorin sportiv Antonelo Preiti dhe zyrtarin e kuq, Edmond Haxhija kanë nisur planet e merkatos dhe piketimin e lojtarëve të ndry- shëm. Ditën e djeshme, "Eduasportin. com" raportoi se Preiti ishte në stadium për të parë ndeshjen ndërmjet Tiranës dhe Vllaznisë. Synimi ishte i qartë, "demat" duan mbrojtësin e majtë Erion Hoxhallari. 22- vjeçari pëlqehet nga drejtuesit e klubit të kuq, pasi mosha e Kalarit ( 33 vjeç) të bën të mendosh se do të luajë sezonin e tij të fundit me kryeqytetasit, ndërsa Kotobelli nuk ka përmbushur pritshmëritë e drejtuesve të Partizanit. Në kushte të tilla, emri i pikasur për krahun e majtë është lojtari i Tiranës. Një tjetër arsye që të bind më shumë është kontrata e futbollistit. Hoxhallarit i skadon kontrata me bardheblutë në fund të këtij sezoni dhe "demat" mund ta marrin me kosto zero. Sipas portalit "eduasportin. com", atij do t'i ofrohet një parakontratë që në janar. Mundësia e transferimit të tij në këtë merkato është e vogël, pasi vështirë që presidenti Refik Halili mund ta lërë të lirë, aq më pak te Partizani.