Shqipëria NATO- s: Duam ndihma dhe ushqime
EC: Fillon dezinfektimi i banesave, qendrave shëndetësore, shkollave në Gjirokastër, Vlorë, Berat etj. Përmbytjet, Bullgaria ofron e para 8 tonë me ndihma
Me largimin e ujit nga pjesa më e madhe e zonave që u përmbytën, Shqipëria i është drejtuar NATO- s duke kërkuar ndihmë. "Reshjet e dendura të shiut gjatë ditëve të fundit, kanë shkaktuar përmbytje në pjesën qendrore dhe jugore të vendit. Këto janë reshjet më të forta që kanë rënë ndonjëherë në Shqipëri. Reagimi i institucioneve ka qenë jetik në parandalimin e humbjes së jetës së njerëzve. Nga ana tjetër, bazuar në vlerësimet fillestare, dëmi material ka qenë i madh",- thuhet në njoftimin e NATO- s. Në kërkesën që Shtabi i Përgjithshëm i ka drejtuar NATO- s, thuhet se janë përmbytur më shumë se 15 mijë hektarë. Dëmet e shkaktuara janë të tilla: 4715 godina, 41 biznese, 127 akse rrugore, 177 shkolla, 78 ura, 30 stacione ujësjellësi, 11 diga, 26 stacione elektrike, 29 rita dhe një stacioni pompimi uji. Shqipëria kërkon nga NATO me urgjencë këto gjëra: ura portabël( 78 copë), 45 metra të gjata, me kapacitet 20 tonë minimumi. Po ashtu kërkohen varka për ujëra të cekët, pajisje për zhytje, gjeneratorë, fuoristrada, pajisje të ndihmës së parë, batanije, tenda, ngrohëse, kostume antiujë, ushqim i konservuar, ushqim fëmijësh, pelena, ushqim për kafshët, etj. Ndërkaq Bullgaria është shprehur e gatshme të dërgojë 8 ton ndihma me ushqime dhe veshje në vendin tonë.
BULLGARIA
Përmbytjet e ditëve të fundit në vendin tonë shkaktuan dëme të konsiderueshme materiale. Pas kërkesës nga Shqipëria drejtuar NATO- s, Bullgaria ka vënë në dispozicion të të prekurve nga përmbytjet ndihma financiare, ushqimore dhe veshmbathje. Sipas kryeministrit bullgar Bojko Borisov, ndihma po përgatitet për Shqipërinë, që është edhe vendi më i dëmtuar pas reshjeve intensive të shiut në Gadishullin e Ballkanit. Sipas agjencisë bullgare të lajmeve "Novinite. com", ndihma është afërsisht 70 000 BGN. Kjo e fundit është siguruar nga rezervat e Ministrisë së Bujqësisë dhe Ushqimit, Dëmet e shkaktuara janë 4715 godina, 41 biznese, 127 akse rrugore, 177 shkolla, 78 ura, 30 stacione ujësjellësi, 11 diga, 26 stacione elektrike, 29 rita dhe një stacioni pompimi uji. Në kërkesën që Shtabi i Përgjithshëm i ka drejtuar NATO- s, thuhet se janë përmbytur më shumë se 15 mijë hektarë.