Gjyqtarët mund të ruajnë pasuritë edhe pas vetingut

Dorëheqjet, zbardhet vendimi i "Kushtetueses"

Gjykata

Kushtetuese zbardhi vendimin se si do të veprohet me procesin e vetingut dhe dorëheqjen e gjyqtarëve dhe prokurorëve. Edhe gjatë procesit të vetingut ku do të kontrollohet pasuria, ana profesionale dhe integriteti moral, gjyqtarët dhe prokurorët mund të japin dorëheqjen dhe ky proces të ndërpritet. "Gjykata thekson se për sa kohë që subjekti i rivlerësimit është në detyrë dhe procesi i rivlerësimit nuk ka përfunduar ende, ai ka të drejtën të japë dorëheqjen dhe në këtë rast procesi i rivlerësimit ndërpritet, duke u zbatuar parashikimet e nenit G të Aneksit të Kushtetutës",- thuhet në vendim. Sipas ligjit 84/ 2016 në nenin 56 të tij përcaktohet: "1. Subjekti i rivlerësim- it ka të drejtë të japë dorëheqjen nga detyra jo më vonë se 3 muaj nga hyrja në fuqi e këtij ligji. Dorëheqja i paraqitet me shkrim Presidentit të Republikës dhe publikohet në faqen zyrtare të internetit të këtij institucioni. Në rastin e dorëheqjes, Komisioni merr vendim për pushimin e procedurës së rivlerësimit. 2. Pas dhënies së dorëhe- qjes, subjekti i rivlerë- simit ka të drejtë të përfitojë pagesë kalimtare, sipas nenit 7, pika 1, të ligjit "Për pensionet shtetërore suplementare të personave që kryejnë funksione kushtetuese dhe të punonjësve të shtetit". Me këtë vendim, Gjykata Kushtetuese i njeh të drejtën të gjithë gjyqtarëve dhe prokurorëve, të cilët janë duke u nënshtruar vetingut apo zgjedhin të shmangin vetingun të dorëhiqen në çdo moment. Në rast se sipas nenit 56/ 2017 gjyqtarët dhe prokurorët, të cilët do të jepnin dorëheqjen, tre muaj pas hyrjes në fuqi të ligjit, gjyqtarët dhe proku- rorët do të përfitonin pagesë kalimtare, tashmë ata do të dalin jashtë sistemit për 15 vite dhe s'do përfitojnë pagesë kalimtare.