Kapen me 65.6 kg kanabis, arrestohen në flagrancë 3 persona, një shpallet në kërkim
Policia: Në bagazhin e automjetit, u gjendën thasë të mbushur me drogë
TIRANE - Policia e Tiranës ka vënë në pranga tre persona dhe një tjetër është shpallur në kërkim, në një operacion antidrogë ku u sekuestruan 65.6 kg kanabis. Seksioni për Hetimin e Narkotikëve në Drejtorinë Vendore të policisë Tiranë, në vijim të punës për parandalimin dhe goditjen e prodhimit dhe shitjes së lëndëve narkotike, kanë finalizuar me sukses operacionin "Vakumona". Gjatë këtij operacioni u arrestuan në flagrancë shtetasit shtetasit
ARRESTIMET
Gjatë operacionit policor të koduar "Vakumona" u arrestuan në flagrancë shtetasit Bashkim Joca, 46 vjeç, banues në fshatin Shëngjergj; Albi Joca, 19 vjeç si dhe Mirel Joca, 18 vjeç, të tre personat banues në fshatin Shëngjergj, Vakumonë, Tiranë.
Bashkim Joca, 46 vjeç, banues në fshatin Shëngjergj; Albi Joca , 19 vjeç si dhe Mirel Joca, 18 vjeç, të tre personat banues në fshatin Shëngjergj, Vakumonë, Tiranë. Gjithashtu, në kuadër të këtij operacioni është shpallur në
kërkim shtetasi P. L.. Personat e sipërpërmendur u kapën në flagrancë më datë 05.12.2017, rreth orës 20: 00, tek vendi i quajtur "Gurorja e Kllojkës". Gjatë operacionit në drejtim të goditjes së veprimtarisë së kundërligjshme në fushën e narkotikëve, ka rezultuar se shtetasit Bashkim Joca, Albi Joca dhe Mirel Joca në bashkëpunim me njeri - tjetrin, kryenin aktivitetin e kundraligjshëm të shitjes së lëndëve narkotike të dyshuar të llojit "Cannabis Sativa" në sasi të konsiderueshme, personave të ndryshëm në zonën e Saukut, Berzhitës, Kllojkës, etj. Këto shtetas lëviznin me automjetin, "Renault Laguna", me targë AA 232 FI. Në vendin e quajtur "Gurorja e Kllojkës", janë neutralizuar dhe prangosur të tre personat e lartpërmendur. Gjatë kontrollit nga forcat policore në bagazhin e automjetit të tyre janë gjetur dhe sekuestruar disa thasë të zinj dhe të bardhë të mbushur me material bimor të thatë ngjyrë jeshile e dyshuar si lëndë narkotike e llojit "Cannabis Sativa". Sasia e bimës së dyshuar si narkotike rezultoi në peshën totale 65,6 kg. Gjithashtu janë sekuestruar në cilësinë e provës materiale 1 automjet dhe 4 telefona celularë. Materialet procedurale do t'i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprat penale "Prodhimi dhe shitja e lëndëve narkotike në bashkëpunim" në ngarkim të shtetasve Bashkim Joca, Albi Joca dhe Mirel Joca.