PREZANTIMI
Plani për qytetin e gjelbër, Veliaj: I domosdoshëm në rast përmbytjesh
Bashkia
e Tiranës ka prezantuar ditën e djeshme planin e veprimit për qytetin e gjelbër, ku Tirana është një nga dy qytetet e përzgjedhura në Europë nga Banka Europiane për Rindërtim dhe Zhvillim. Synimi i këtij plani është të krijojë një qasje më të strukturuar ndaj problemeve kryesore mjedisore me të cilat përballet kryeqyteti. Disa nga pikat kryesore të tij janë: lëvizshmëria e qëndrueshme, rritja e hapësirave të gjelbra, konsumi i qëndrueshëm i energjisë, përdorimi dhe trajtimi i qëndrueshëm i ujit etj. Kryebashkiaku Erion Veliaj gjatë prezantimit, theksoi se fatkeqësitë natyrore, përfshi këtu edhe rastin e shirave të ditëve të fundit, nxorën edhe një herë në pah nevojën për një plan të detajuar për transformimin e gjelbër të Tiranës. "Nga ky moment, ne kalojmë në një menaxhim totalisht profesional të situatës. Në dy vitet e para kemi kaluar fazën e emergjencave dhe shumë prej problematikave që kemi pasur në Tiranë, por tani nuk na falet më",- u shpreh Veliaj.