Zgjedhjet për dekanin e FHF, ja emrat që garojnë për postin
3 mijë studentë e 83 persona të stafit votojnë, kush do e zëvendësojë Dukën Kush do të jenë shefat e rinj të departamenteve
Në Fakultetin e His tori- Filologjisë mbahen sot zgjedhjet e parakohshme, të cilat do të përcaktojnë se kush do të jetë dekani i ri në krye të këtij fakulteti. Burime nga Rektorati i Universitetit të Tiranës, bëjnë me dije për "Gazeta Shqiptare" se dy kandidatët që do të garojnë për këtë pozicion janë prof. dr Aljula Jubani dhe prof. dr Sabri Laçi. Gjithashtu, burimet thonë se janë plot 83 persona, pjesë e stafit të këtij fakulteti, që do të votojnë sot për të zgjedhur dekanin. Këto zgjedhje të parakohshme, po zhvillohen për shkak se dekania e mëparshme, që ishte në krye të Fakultetit të Histori- Filologjisë, u tërhoq nga posti, pasi u përzgjodh deputete në Kuvendin e Shqipërisë. Ndërkaq në zgjedhje do të marrin pjesë edhe 3 mijë studentë, të cilët në faqen zyrtare të fakultetit, mund të informohen mbi rregulloren që duhet zbatuar gjatë procesit të votimit. Këto zgjedhje po mbahen me urdhrin e brendshëm të firmosur nga rektori i Universitetit të Tiranës, Mynyr Koni në datën 31 tetor të këtij viti ku bëhet me dije se zgjedhjet e parakohshme do të zhvillohen për disa autoritete drejtuese në UT. Respektivisht nëpërmjet zgjedhjeve do të përcaktohet: Dekani i Fakultetit të Histori- Filologjisë, përgjegjësi i Departamentit të Gjuhës në këtë fakultet, përgjegjësi i Departamentit të Gjuhës Spanjolle në Fakultetin e Gjuhëve të Huaja, përgjegjësi i Departamentit të Statistikë- Informatikës së zbatuar në Fakultetin e Ekonomisë e Përgjegjësin e Departamentit të Kimisë në Fakul- tetin e Shkencave të Natyrës. Sot do të përcaktohet edhe përgjegjësi i Departamentit të Sociologjisë dhe përgjegjësi i Departamentit të Shkencave Politike në Fakultetin e Shkencave So- ciale. "Data e zhvillimit të zgjedhjeve të parakohshme për autoritetet drejtuese të sipërpërmendura, do të jetë data 7 dhjetor 2017. Ngarkohen për zbatimin e këtij urdhri, Komisioni Institucio- nal i Zgjedhjeve ( KIZ) si dhe Komisionet e Zgjedhjeve në Fakultetet Përkatëse",- citohet në urdhrin e brendshëm të firmosur nga rektori i UTsë, Mynyr Koni. Ndërkaq, edhe posti i zëvendës rektorit të Universitetit të Tiranës, të cilin e ka mbajtur Shezai Rrokaj ka mbetur bosh. Gjithashtu, Komisioni Zgjedhor i Fakultetit ka publikuar udhëzimin mbi procedurat e votimit që do të kryhen nga studentët ditën e sotme. Në këtë udhëzim theksohet se para votimit, studenti duhet të paraqesë kartën e identitetit apo pasaportën. "Në qendrën e votimit ndalohet kategorikisht përdorimi i aparateve celulare apo i mjeteve të tjerë regjistrues nga ana e studentëve votues. Studenti duhet të hyjë në dhomën e fshehtë i pangarkuar me çanta, mjete apo sende, qoftë edhe shkollore", - thuhet në udhëzimin e Komisionit Zgjedhor të Fakultetit.