AKU: Ashpërsim i Kodit Penal mbi sigurinë ushqimore
Ndryshimet brenda 300 ditësh
Për
një siguri ushqimore më të lartë, pritet të sug jerohen ndryshime në Kodin Penal me qëllim ashpërsimin e ligjit për përmirësimin e punës në këtë sektor. Këto propozime do të bëhen nga Autoriteti Kombëtar i Ushqimit, e pritet që ndryshimet të realizohen brenda 300 ditësh, periudhë kjo e cila përkon edhe me përfundimin e vlerësimit të riskut. Ndërkaq, AKU ka kryer verifikime, ndërkohë që së shpejti do të ndërmerret edhe vlerësimi i riskut. Ky i fundit do të evidentojë ato raste ku kjo pjesë e Kodit Penal nuk ka funksionuar e më tej do të vijnë edhe propozimet konkrete nga ky autoritet për ndryshimin e tij. Sugjerimet do të kenë për qëllim penalizimin e të gjithë atyre personave që prodhojnë apo importojnë produkte ushqimore të pasigurta e jashtë standardeve të përcaktuara. "Importimi, ruajtja dhe shitja e ushqimeve, pijeve dhe lëndëve të tjera, e barnave të rrezikshme ose të dëmshme për jetën e shëndetin, si dhe futja në prodhim e kimikateve, materialeve dhe lëndëve shtesë në prodhimin e përpunimin e artikujve ushqimorë e të pijeve, kur nga këto vepra ka ardhur vdekja ose dëmtimi i rëndë i shëndetit të personit, dënohen me gjobë ose me burgim deri në dhjetë vjet.",- citohet në nenin 288 të këtij Kodi Penal. Më tej, theksohet se kur nga vepra është shkaktuar vdekja ose dëmtimi i rëndë i shëndetit të disa personave, dënohet me burgim jo më pak se pesë vjet.