Basha, thirrje të rinjve: Ngrihuni, merrni fatet e vendit në dorë
Meta: E papranueshme, shqiptarët kërkojnë Evropën jashtë vendit edhe pas 27 vitesh Rama, studentëve: Mos e lidhni të ardhmen me punë shteti
Kreu i PD- së, Lulzim Basha, u bëri thirrje të rinjve të guxojnë, të ngrihen dhe të luftojnë për ta ndryshuar Shqipërinë. Nga aktiviteti i organizuar për 27vjetorin e Lëvizjes Studentore në Qytetin Studenti tek shtatorja e Azem Hajdarit, z. Basha kujtoi 8 dhjetorin e 1990- ës dhe tha se ishte dita kur kuraja triumfoi mbi frikën. "27 vjet nga rënia e komunizmit, liritë e shqiptarëve janë të kufizuara, sepse ata nuk votojnë dot të lirë, sepse dinjiteti i tyre është i nëpërkëmbur dhe ne vazhdojmë të mbetemi një nga kombet më të izoluara. Është e paimagjinueshme që sot në Shqipëri të flitet për një bandë trafikantësh injorantë e mizorë, të flitet si të luftojmë për të pastruar Parlamentin nga vrasës e përdhunues dhe të diskutojmë si të pastrojmë ekonominë nga paratë e krimit", u shpreh z. Basha. Duke akuzuar qeverinë se ia ka shitur vendin një grushti oligarkësh, "ftoj rininë shqiptare të kthejmë sytë nga 8 dhjetori dhe të reflektojmë. Për shumë prej tyre, ëndrrat e 27 viteve më parë janë të njëjtat me ato të sotme. Nëse brezi i sotëm lufton si ai i mëparshëm, Shqipëria do të ecë përpara. Sepse Shqipëria ka nevojë sot më shumë se kurrë për atë forcë e kurajë të 27 viteve më parë. Kjo sfidë është sfida e rinisë. Unë e di që ju, rinia, do ta merrni në dorë këtë mision. Ju bëj thirrje, mos zgjidhni largimin, por përballjen", deklaroi z. Basha. Në 27- vjetorin e lëvizjes së studentëve të dhjetorit, Presidenti Ilir Meta deklaroi se është e patolerueshme për politikën që pas thuajse 3 dekadash, të rinjtë e talentuar dhe të aftë të këtij vendi ta gjejnë Evropën jashtë vendit të tyre. Meta foli gjatë një cer- emonie të mbajtur në ambientet e Presidencës për nderim të Ditës së Rinisë dhe lëvizjes së dhjetorit. "Duhet të bëjmë gjitha përpjekjet tona për të ngjallur shpresat, sepse është e papranueshme që edhe sot, pas 27 vitesh, shumë të rinj të aftë e të talentuar ta kërkojnë Europën jashtë vendit të tyre. Një vend pa të rinj është si një familje pa fëmijë, ndaj kjo nuk është vetëm një ditë nderimi, por edhe një ditë apeli për të gjithë të rinjtë e sotëm që të mësohen dhe inkurajohen nga bashkëmoshatarët e tyre të atëhershëm", - tha Meta. Po dje, kryeministri Edi Rama gjatë një bashkëbisedimi me studentët deklaroi para tyre se nuk duhet të fiksohen pas punës së shtetit, teksa shtoi se ambicia e tyre duhet të jetë më tepër se kaq. Përgjigja e tij erdhi pas pyetjes së një studenti për mundësitë që u ofrohen. "Një tapet të kuq asnjë qeveri nuk ka për askënd. Askush nuk e ka një tapet të kuq për të siguruar parakalimin triumfal dhe hyrjen në derën më të lartë të shtetit për dikë që ka mbaruar shkëlqyeshëm. Ajo që dua të theksoj