Kryemadhi: Nënshtetësia e Janullatos, vendim i vonuar
Takimi në kishë, Ruçi shtrëngon duart me Kryemadhin
Kryetari
i Kuvendit, Gramoz Ruçi dhe kryetarja e LSI, Monika Kryemadhi u fotografuan dje, në të dy krahët e kryepeshkopit Anastas Janullatos në festën e Krishtlindjes, gjatë vizitës në kishën ortodokse, në Tiranë. Ruçi ka shtrënguar duart me Kryemadhin. Por, përtej raporteve që ata kanë pasur si dy socialistë, duket se zhvillimet në seancën e datës 18 dhjetor kanë lënë një shije jo të mirë. Në urimin e saj, Kryemadhi u shpreh se u uron shqiptarëve që "Këto Krishtlindje të jenë sa më të mbara me sa më shumë dashuri, paqe, mirësi dhe begati shqiptarëve". "Gjithashtu, nga kjo Katedrale dua t'ju uroj shqiptarëve dhe Vitin e Ri bashkërisht, sepse është shumë shumë e rëndësishme që në këtë ditë të shënuar në lindjen e Krishtit të kemi mbarësi, të kemi paqe dhe të kemi zhvillim më shumë për shqiptarët, për familjet tona, për fëm-
“Dua t'ju uroj shqiptarëve dhe Vitin e Ri bashkërisht, sepse është shumë shumë e rëndësishme që në këtë ditë të shënuar në lindjen e Krishtit të kemi mbarësi, të kemi paqe dhe të kemi zhvillim më shumë për shqiptarët, për familjet tona”.
ijët tanë, të cilët meritojnë më shumë. Ju uroj Krishtlindjet, mbarësi, begati në familjet tuaja",- tha Kryemadhi. E pyetur për vendimin e Presidentit Meta për vendimin e tij më të fundit për t'i dhënë shtetësinë Kryepeshkopit Janullatos, Kryemadhi tha: "Sigurisht që jam dakord, mos harrojmë që është një nga vendimet më të vonuara që bën politika shqiptare, kam përshtypjen që Janullatos e do më shumë Shqipërinë se ç'e ka dashur ndonjëherë politika shqiptare".