OSHEE gatishmëri, kontaktet për çdo defekt në gjithë vendin
Në fokus, spitalet, hidrovorët, objektet e rëndësisë së veçantë administrative Festat e fundvitit, rreth 1500 punonjës në shërbim
Operatori i Shpërn darjes së Energjisë Elektrike do të jetë në gatishmëri për festat e fundvitit. Rreth 1500 punonjës do të jenë në gatishmëri për të riparuar çdo defekt që mund të ndodhë për shkak të mbingarkesës në rrjet. OSHEE ka vënë në dispozicion të abonentëve numra kontakti në të gjithë vendim për të njoftuar problemet. Ndërkohë që do të jenë në "mbikëqyrje" spitalet, hidrovorët dhe objektet e rëndësisë së veçantë.
MASAT
Operatori i Shpërndarjes së Energjisë Elektrike ( OSHEE SH. A), po ndjek me vëmendje regjimin e furnizimit me energji elektrike, bazuar mbi planin e masave të Shtabit Qendror të Gatishmërisë. Plani i Masave për gatishmërinë e festave të fundvitit 2017, synon të sigurojë furnizimin me energji elektrike të të gjithë konsumatorëve. OSHEE ka vendosur në pikat strategjikë të rrjetit të shpërndarjes rreth 1500 punonjës, të cilët monitorojnë 24 orë situatën e furnizimit me energji elek- trike. Baza materiale, mjetet e transportit, grupet e gatishmërisë, janë në dispozicion për mbarëvajtjen e procesit të furnizimit me energji elektrike, në të gjithë territorin, për ndjekjen e regjimit të punës së rrjetit shpërndarës, lokalizimin e defekteve dhe marrjen e masave për zgjidhjen e avarive, të rrjetit shpërndarës që furnizon: Spitalet, hidrovorët, objektet e rëndësisë së veçantë administrative, etj., të gjithë konsumatorët, deri te më i fundit. Në kuadër të masave tekniko- organiza- tive për stabilizimin dhe përmirësimin e cilësisë së shërbimit, OSHEE vendosi grupe gatishmërie pranë N/ Stacioneve, linjave 35 kV, fidrave dhe kabinave TM/ TU.
KONTAKTET
OSHEE ka publikuar për konsumatorët numrat e kontaktit në bazë rajonesh, të cilat janë në shërbim 24 orë. Gjithashtu, për të gjithë territorin qëndron në funksion numri unik call center: 042274141.
PLANI
Operatori i Shpërndarjes së Energjisë Elektrike bën të ditur se grupe gatishmërie pranë fidrave të rëndësishëm, që furnizojnë hidrovorët, spitalet dhe institucionet e rëndësisë së veçantë. "Personel përforcues pranë rrjetit dhe kabinave, për ta kthyer menjëherë në gatishmëri teknike, në rast avarie; ekipe të terrenit për të shërbyer sa me shpejt për likuidimin e avarive; bazë materiale të emergjencës për të garantuar likuidimin e avarive dhe mbajtja në gatishmëri e mjeteve të transportit, makinave teknologjike dhe aparate portative,- thuhet në njoftimin e OSHEE- së.
OSHEE ka vënë në dispozicion të abonentëve numra kontakti në të gjithë vendim për të njoftuar problemet. Ndërkohë që do të jenë në "mbikëqyrje" spitalet, hidrovorët dhe objektet e rëndësisë së veçantë.