Vidhte automjete në kryeqytet, i arrestuari, djali i ish- deputetit
Nga droga te grabitjet, Ervin Tavanxhi i dënuar më parë për trafikim të lëndëve narkotike I riu u kap në flagrancë te "Myslym Shyri"
Ervin Tavanxhi nga El basani ra në prangat e policisë dy ditë më parë, pasi u kap në flagrancë në kryqëzimin e rrugëve "Myslym Shyri" dhe "Vangjush Furxhi", duke vjedhur me thyerje navigatorin e mjetit tip "Benz", në përdorim të shtetases M. M., 30 vjeçe, banuese në Tiranë. Mësohet se i riu është djali i ish- deputetit Vangjel Tavanxhi. 37- vjeçari është një emër i njohur për drejtësinë shqiptare. Ai ka qenë pjesë e një grupi të rrezikshëm të trafikut të drogës të arrestuar në vitin 2006 në kuadër të operacionit të koduar "Poter- Al" që merreshin kryesisht me trafikun e kokainës nga Holanda, e heroinës nga Turqia. Fitimet nga trafiku investoheshin në qytetet kryesore në vend, kryesisht në ndërtim. Tavanxhi u dënua asokohe me 10 vite burg. Ervini pasi ka fituar lirinë, dyshohet të ketë kryer disa vjedhje makinash në kryeqytet.
TRAFIKU I DROGËS
Në kuadër të operacionit të koduar "Poter- al", në 23 maj të vitit 2006 ra në pranga një grup i trafikut të drogës, mes tyre edhe Ervin Tavanxhi. Grupi kriminal e trafikonte drogën kryesisht në Holandë dhe më pas në rrugë tokësore dërgohej në Francë dhe Itali. Organizata kriminale në fjalë është drejtuar nga Ilir Koçiaj, ndërsa krahu i tij i djathtë është Xhiliano Xhoxhi. Të dy këta persona kanë mundur që të ngrenë një rrjet të tërë të trafikut të narkotikëve në të paktën gjashtë shtete të ndryshme të botës. Ndërkohë me rek- rutimin e anëtarëve të organizatës janë marrë pikërisht dy krerët e saj, Koçiaj dhe Xhoxhi. Nga hetimi është zbuluar se në disa raste anëtarët e organizatës nuk njiheshin fare me njëritjetrin. Njohja e tyre e për- bashkët ishte kreu Ilir Koçiaj. Bëhet me dije se deri tani prokuroria shqiptare ka mundur që t'i sekuestrojë kësaj organizate 73.000 euro, 29.000 dollarë amerikanë si dhe një milionë lekë të reja. Ndërkohë, janë sekuestruar edhe katër automjete luksoze tip "Mercedes Benz" prodhime të viteve të fundit. Sakaq hetimet e kryera në Itali për këtë organizatë kriminale kanë sjellë sekuestrimin e sasive të ndryshme të tyre të lëndëve narkotike, të cilat arrijnë në 22,240 kg kokainë dhe 20,032 kg heroinë për periudhën fillim i vitit 2003 deri në fillim të vitit 2004. Gjykata e Krimeve të Rënda më 22 korrik 2009, dënoi me 63 vjet burg 6 të pandehurit e grupit kriminal "Poter- Al". Ilir Koçiaj, të
Në vijim të veprimeve hetimore rezulton se Ervin Tavanxhi dyshohet dhe si autor i disa ngjarjeve. Konkretisht më datë 12.12.2017, në rrugën e "Bogdanëve" dyshohet se ka vjedhur pasqyrat e një automjeti "Benz"; më datë 24.10.2017, në rrugën e "Vangjush Furxhi", dyshohet se ka vjedhur pasqyrat e mjetit tip "Benz"; me datë 23.08.2017, në rrugën "Myslym Shyri", dyshohet se ka vjedhur aksesorë dhe navigatorin e mjetit tip Benz; më datë 23.08.2017, në rrugën "Myslym Shyri", dyshohet se ka vjedhur aksesorët dhe navigatorin e mjetit tip "Golf". Gjatë kontrollit fizik të ushtruar ndaj këtij shtetasi iu gjetën dhe u sekuestruan në cilësinë e provës materiale sendet: një kaçavidë, 1 grup me 7 çelësa, 1 patentë, kartëmonedha, e sende të tjera.