LOJTARI KUQEZI
Nëse
me De Biazin ish te një surprizë, me Panuçin emri i Frederik Veselit është kthyer në një garanci për qendrën e mbrojtjes kuqezi. Mbrojtësi i afruar në periudhën e ish- teknikut të kuqezinjve, ka filluar të luajë me rregullsi në qendër të prapavijës së Shqipërisë, duke lënë në stol të zakonshmit Ajeti e Gjimshiti në rreshtimin me 4 që aplikohet në radhët e kuqezin- jve. Ndaj kur Empoli ndryshoi trajner në javën e kaluar, tekniku i ri Aurelio Andreacoli ndryshoi skemë, ndërsa Veseli kaloi nga mbrojtës anësor në rreshtimin me 3, në qendërmbrojtës në rreshtimin me 4, si me Kombëtaren. Për futbollistin shqiptar, nuk kishte asnjë problem përshtatjeje pikërisht falë eksperiencave kuqezi. "Kam luajtur shpesh në mbrojtjen me katër, për mua nuk ndryshon asgjë. Edhe në Kombëtare luaj me katër në mbrojtje dhe ndjehem mirë. E rëndësishme është të ndjekësh idetë e trajnerit dhe t'i tregosh në fushë",- shpjegoi ai për mediat italiane. I kthyer në një nga veteranët e Empolit dhe zëvendëskapiten i kësaj skuadre, Veseli mendon se ky kampionat do të jetë shumë i luftuar dhe uron që viti 2018 të sjellë për klubin e tij suksese sportive, që do të thotë kthimin në Serinë A. "Klasifikimi i Serisë B tregon se ky është një kampionat shumë i luftuar. Është e qartë se të gjithë dëshirojmë të jemi në vendin e parë dhe të punojmë për këtë. Viti i Ri? Pikë së pari shpresoj që të jenë të gjithë mirë, nga unë te çdo shok i skuadrës, klubi, tifozët dhe të gjithë ata që janë rrotull Empolit. Në aspektin futbollistik uroj që skuadra të arrijë suksesin maksimal të mundshëm që është gjëja me të vërtetë më e rëndësishme ",- deklaroi mbrojtësi shqiptar.