Lulzim Basha: Hetim jopolitik dhe transparent për Fran Frrokajn
Kreu i PD shkon në Lezhë: Nuk mund të ketë drejtësi selektive "Po bëhet presion i madh politik për të mbyllur çështjen ‘ Tahiri’"
Kreu i PD- së, Lulzim Basha deklaroi dje, se për kryebashkiakun e Lezhës Fran Frrokaj hetimi të jetë i pavarur dhe jo politik. "Nuk mund të ketë drejtësi selektive. Nuk mund të ketë drejtësi, nëse Tahiri, Dako, Gjiknuri, Ahmetaj, Sejdini dhe një grusht kryebashkiakësh të korruptuar dhe zyrtarë të lartë të korruptuar të kësaj qeverie nën akuza për vepra të rënda penale, nuk do të dalin para drejtësisë",- tha dje, kreu i PD- së, Lulzim Basha, në një deklaratë për median, pas takimit me deputetët e komisionit hetimor "Tahiri". "Sot dua t'u them të gjithë shqiptarëve se ne shpresojmë dhe urojmë që Fran Frrokaj të jetë i pafajshëm. Qëndrimi im dhe i Partisë Demokratike është i pandryshuar, të gjithë duhet të jenë të barabartë para ligjit, nga qytetarët e thjeshtë tek politikanët më të lartë. Por ne kërkojmë që hetimi të jetë transparent, të jetë jopolitik dhe i paanshëm",- tha Basha. Sipas tij, "Shqiptarët meritojnë një drejtësi të pastër dhe profesionale dhe jo një drejtësi të kapur dhe të ndikuar nga axhenda politike për drejtësi selektive të drejtuar ndaj një krahu politik në favor të një krahu tjetër". Pas kësaj deklarate, Basha shkoi në Lezhë, ku pati takim me strukturat e PD- së atje, ndërkohë që në qytet pati protesta nga mbështetës të Fran Frrokajt. Ditën e hënë pritet që të mblidhet për herë të parë komisioni hetimor për çështjen "Tahiri". Për këtë Basha tha: "Në rastin e Saimir Tahirit ra shteti, pushuan së ekzistuari të gjitha institucionet ligjzbatuese në vend. Qëllimi i komisionit hetimor është të zbardhë çfarë ndodhi dhe pse ndodhi, për të mos lejuar kurrë më që shteti të kapet nga krimi dhe të kthehet në zgjatim të trafikantëve të drogës dhe të grupeve kriminale të krimit të organizuar. Ne do të hetojmë si dhe pse ndodhi që e gjithë kupola e policisë u kthye në organizatë kriminale dhe askush në qeverisje nuk reagoi? Si dhe pse ndodhi që, me gjithë informimet e shumta për përfshirjen e Saimir Tahirit në trafikun e drogës, asnjë institucion shtetëror nuk e vuri atë para përgjegjësisë?". Po ashtu sipas Bashës ky komision do të hetojë "si dhe pse ndodhi që vendi u mbulua me drogë sheshit dhe asnjë institucion shtetëror nuk reagoi dhe nuk bëri asnjë përpjekje për ta ndaluar?". "Paralelisht me punën e këtij komisioni, prokuroria duhet të bëjë punën e saj për të hetuar "Ç'është kjo çudi ore? Asnjë socialist nuk preket dhe shkojnë në rrjetën e peshkatarit të perlave një e nga një demokratët, LSI, PDIU.... Të vendosësh regjim e të thuash se po vendos drejtësi, kjo është kuja që po ndodh në këtë vend..", komentoi dje, ish- deputetja Mesila Doda.
grupin kriminal "Habilaj- Tahiri" dhe të gjithë policët dhe bashkëpunëtorët e tjerë politikë dhe jopolitikë të këtij grupi të rrezikshëm. Duhet ta bëjë në mënyrë të paanshme dhe të pandikuar. Po bëhet presion shumë i madh politik për të mbyllur çështjen "Tahiri",- deklaroi Basha.