Helmoi vjehrrën me fostoksinë, Marjana Cmeta takon vajzën 6 muajshe në burgun e grave
21- vjeçarja shpërthen në lot: Më jepni një kartë telefoni
TIRANË - Marjana Cmeta, e cila afro një vit më parë helmoi me fostoksinë vjehrrën e saj, Lirije Lami është transferuar në burgun e grave "Ali Demi" në kryeqytet. Mësohet se dy ditë më parë, 21- vjeçarja është takuar me prindërit e saj, të cilët i kanë çuar për ta parë foshnjën e saj 6- muajshe. Burime pranë burgut konfirmuan se e reja ndodhet në gjendje të rënduar psikologjike, ndërsa ka shpërthyer në lot në momentin e takim- it me të bijën. Edhe pse me një peshë të rëndë mbi supe, Marjana ka marrë në krahët e saj foshnjën, e ka puthur përqafuar e ushqyer me gji, por pas 1 ore ato të dyja janë ndarë. Foshnja, të cilës Olti Lami nuk i ka dhënë ende atësinë dhe është ende i pavendosur nëse do ta bëjë një ditë, është marrë nga gjyshërit, prindërit e Marjanës. Teksa ndodhej në qeli, punonjësit e burgut e kanë sqaruar të akuzuarën për ngjarjen e rëndë se ligji e lejonte të rriste foshnjën bren- da këtyre ambienteve, por Marjana është shfaqur e pavendosur. Ajo ka kërkuar kohë, ndërsa ua ka besuar të voglën prindërve. Të njëjtat burime, thanë se e Marjana Cmeta nuk është lënë në një qeli të veçantë, për të shmangur ndonjë tentativë të mundshme vetëvrasjeje. Për momentin ajo ka kërkuar vetëm një kartë telefoni që të mund të pyesë për të bijën. Krimi i kryer afro një vit më parë nga nusja 21- vjeçare, u zbulua falë këmbënguljes së Oltit, ish- bashkëshortit të saj, i cili zbuloi videon që kishte regjistruar hoxha, Hysen Shehu, tek i cili nusja shtatzënë rrëfeu me detaje se si e helmoi vjehrrën e saj 48vjeçare. Ndonëse nuk jetonte me të, Marjana ishte e bin- dur që kjo e fundit i kish bërë magji dhe vendosi ta vrasë. Bëhet fjalë për një rrëfim 72 minutësh, video e cila i shërbeu prokurorisë për të ngritur akuzën "Vrasje për shkak të rrethanave familjare" ndaj Marjana Cmetës.