"Deti", Meta i jep autorizimin Bushatit: Garanto sovranitetin

Ministri i Jashtëm do t'u japë plotfuqinë negociatorëve, pjesë edhe Meçollari "Të respektohet vendimi i Gjykatës Kushtetuese"

Presidenti i Republikës, Ilir Meta, i ka dhënë dje autorizimin ministrit për Evropën dhe Punët e Jashtme, Ditmir Bushati, për të vijuar negociatat me palën greke për kufirin detar. Por, në autorizimin e tij, kreu i shtetit u kërkon institucioneve të përfshira në këto negociata për marrëveshjen e re që të respektojnë vendimin e Gjykatës Kushtetuese të Shqipërisë për detin dhe të respektojë aktet ndërkombëtare ku Shqipëria është palë. "Presidenti i Republikës, Sh. T. Z Ilir Meta në mbështetje të nenit 92 germa ' ë', nenit 116, nenit 121 pika 1, nenit 132 të Kushtetutës; Vendimit nr. 15, datë 15.04.2010 të Gjykatës Kushtetuese të Republikës së Shqipërisë; Nenit 6 pika 3, shkronja ' a' të ligjit nr. 43/ 2016 ' Për marrëveshjet ndërkombëtare në Republikën e Shqipërisë', në vijim të kërkesës të Ministrisë për Evropën dhe Punët e Jashtme autorizoi sot, ( dje) ministrin për Evropën dhe Punët e Jashtme, z. Ditmir Bushati, të lëshojë plotfuqinë për grupin negociator të Republikës së Shqipërisë për negocimin e ' Projektmarrëveshjes ndërmjet Republikës së Shqipërisë dhe Republikës së Greqisë për kufizimin e zonave të tyre detare", thuhet në njoftimin zyrtar të kreut të shtetit, Ilir Meta. Më tej, njoftimi vijon: "Presidenti i Republikës, Sh. T. Z Ilir Meta u kërkon Ministrisë për Evropën dhe Punët e Jashtme, institucioneve shtetërore shqiptare të përfshira në këto negociata dhe grupit negociator, të përmbushin përgjegjësitë e tyre në respekt të Kushtetutës së Republikës së Shqipërisë, të Vendimit nr. 15, datë 15.04.2010 të Gjykatës Kushtetuese, akteve ndërkombëtare ku Republika e Shqipërisë është palë, kuadrit të brendshëm ligjor, në interes të ruajtjes dhe ushtrimit të sovranitetit territorial dhe juridiksionit kombëtar dhe të garantimit të sigurisë, dobisë ekonomike e sociale të vendit". Autorizimi i presidentit për plotfuqishmërinë e veprimit të grupit negociator shqiptar me palën greke vjen pas dy takimeve të fundit dy javë më parë me ministrin Bushati, por edhe me kryeministrin Edi Rama. Qysh prej mesit të shkurtit, ministri Bushati i kërkoi Presidentit

të Republikës t'i japë autorizimin për të nisur negociatat me Greqinë për të arritur një marrëveshje të re sa i përket kufirit detar. Por, Presidenti i Republikës iu përgjigj edhe publikisht, por edhe me një shkresë ministrit, duke i kërkuar mjaft informacione dhe të dhëna rreth marrëveshjes që do negociohet,

takimeve të kryera, negociatorëve apo edhe detaje të tjera që kanë të bëjnë me atë çfarë është diskutuar në dy takimet e Bushatit me Kotzias. Nga ana e saj, Ministria e Jashtme i ktheu përgjigje presidentit dy herë, për shkak të kërkesës së dytë që kreu i shtetit i drejtoi për shtesë informa- Presidenti Meta takoi dje ishkryebashkiakun e Nju Jorkut, Rudi Xhulianin për të cilin tha se "ka lënë më shumë gjurmë në qytetin e Nju Jorkut". Meta tha se, Xhuliani i shprehu ndjenjat më pozitive për shqiptarët e Nju Jorkut dhe të gjithë Amerikës.

cionesh. Nga ana tjetër, opozita kundërshtoi emrin e një prej negociatorëve të grupit, Artur Meçollarit, duke e etiketuar deri edhe "spiun", akuza që u hodhën poshtë nga Ministria e Mbrojtjes të Shqipërisë. Tashmë mbetet për të parë se cilat do të jenë hapat e mëtejshëm të grupit negociator.