Konstituohet KED, merr në dorëzim dosjet e kandidaturave për Kushtetuesen
Këshilli
i Emërimeve në Drejtësi zhvilloi dje mbledhjen e tij të parë që prej votimit në parlament, edhe pse anëtarët e këshillit nuk kanë përfunduar ende procesin e vetingut. Objekt i punimeve të kësaj mbledhjeje që zgjati për katër orë me radhë ishte konstituimi i Këshillit të Emërimeve në Drejtësi, marrja në dorëzim e dokumentacionit mbi kandidaturat që kanë aplikuar për pozicionet vakante në Gjykatën Kushtetuese, si dhe ngritja e një grupi pune për hartimin e rregulloreve për funksionimin e këtij këshilli. Grupi i punës do të përbëhet nga Artan Broci, Altina Xhoxhaj dhe Vitore Tusha. Këshilli i Emërimeve në Drejtësi autorizoi kryetar- in e tij, Broci, për të bashkëpunuar gjatë këtij procesi edhe me përfaqësues të misioneve ndërkombëtare që asistojnë sistemin e drejtësisë në Shqipëri si EURALIUS etj., duke vlerësuar maksimalisht kontributin dhe asistencën e çmuar që kanë dhënë këto misione gjatë fazës së hartimit dhe implementimit të procesit të reformës në drejtësi. Mbledhja e djeshme u zhvillua edhe në praninë e Avokatit të Popullit, Erinda Ballanca, përfaqësuesve të Komisionit për Çështjet Ligjore, Administratën Publike dhe të Drejtat e Njeriut Ulsi Manja dhe Enkeled Alibeaj, përfaqësuesit të Institucionit të Presidencës, Bledar Dervishaj si dhe përfaqësuesit të kryetarit të Kuvendit, Genc Gjonçaj. Janë 32 kandidatë në garë për të dyja vendet vakante në Gjykatën e Kushtetuese. Lista e emrave është dorëzuar nga presidenti, ndërkohë dhe parlamenti ka hapur procedurën për plotësimin e një vendi vakant në Gjykatën Kushtetuese. Kjo e fundit, prej disa muajsh funksionon me 6 anëtarë nga 9 që duhet të ketë.