Skandali i pronave, lirohet kryebashkiaku i Lezhës
Lihen të lirë edhe 9 zyrtarë të tjerë. Në burg, juristi i bashkisë dhe hartografi i hipotekës Gjykata vendos "Arrest shtëpie" dhe mbikëqyrje elektronike për Frrokajn
Pak ditë pas superoper acionit "Ranishtja 4", ku u arrestuan dhe u ndaluan 12 persona dhe 11 të tjerë u shpallën në kërkim në lidhje me skandalin e pronave në zonën "Rana e Hedhun" në Shëngjin, Gjykata e Shkallës së Parë e Lezhës ka liruar kryebashkiakun Fran Frrokaj dhe 9 zyrtarë të tjerë të bashkisë dhe hipotekës. Ndërsa ka lënë në burg 2 zyrtarë të tjerë. Gjatë seancës gjyqësore maratonë, togat e zeza të Lezhës ka bërë rivlerësimin e masës së sigurisë duke vendosur "Arrest shtëpie" nën mbikëqyrje elektronike për Frrokajn, i cili akuzohet për veprën penale "Shpërdorim detyre". E njëjta masë sigurie është dhënë edhe për 9 të tjerë. Ndërkaq, gjykata ka lënë në qeli 29vjeçarin Adenis Haxhia, me detyrë jurist pranë Bashkisë së Lezhës dhe 28vjeçarin Enkelejd Zefi, me detyrë specialist hartograf pranë ZVRPP Lezhë. Pas operacionit të bujshëm, burime nga policia bënë me dije se zyrtarët lokalë në bashkëpunim me njëritjetrin, duke abuzuar me detyrën kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetare të Shëngjinit. Sipas bluve, kjo sipërfaqe është shndërruar me dokumente të falsifikuara nga tokë shtetërore në bregdet, në tokë arë dhe pemtore.
GJYQI
Nën masa të rrepta sigurie u zhvillua dje seanca gjyqësore për rivlerësimin e masës së sigurisë ndaj kryetarit të Bashkisë së Lezhës, Fran Frrokaj dhe nënkryetarin e bashkisë, Enver Hafizi; kreun e këshillit të qarkut, Gjok Ndoka dhe personave të tjerë që përfunduan në pranga për skandalin e pronave në Shëngjin. Kryebashkiaku ka hyrë me pranga në sallën e gjyqit, ndërsa dhjetëra qytetarë e mbështesnin jashtë godinës së gjykatës. Gjatë seancës, Frrokaj në vend që të mbrojë veten para gjyqtarëve për akuzën që i është atashuar nga prokuroria, ka kërkuar të merren masa për rrëshqitjet e dherave në rrugën e Kalasë në qytetin e Lezhës. Ai i ka kërkuar nënkryetares së Bashkisë Lezhë t'i dërgojë një shkresë komitetit të emergjencave që të ndërhyhet në këtë rrugë, pasi ka rrëshqitje masive. Vendimi për lirimin e qytetarit të parë të Lezhës është pritur me ovacione nga të afërmit dhe mbështetësit e tij, të cilët brohorisnin "rroftë drejtësia"!. Ata kishin tri ditë që protestonin para Drejtorisë së Policisë së Lezhës. Në vendimin e gjykatës thuhet se kreu i bashkisë, Fran Frrokaj dhe zyrtarët e tjerë vendorë nuk mund të komunikojnë me persona të tjerë, përveç familjarëve që jetojnë me ta. Të vetmit që do të qëndrojnë në burg janë juristi i bashkisë, Adenis Haxhia dhe har- tografi i hipotekës, Enkelejd Zefi. Në këtë seancë nuk është paraqitur kryetari i Këshillit të Qarkut të Lezhës, Gjok Ndoka, një nga të arrestuarit për tjetërsim të pronave tek "Rana e Hedhun". Për shkak të problemeve shëndetësore me zemrën, Gjok Ndoka, xhaxhai i ish- deputetit socialist Arben Ndoka ishte në spital për të marrë trajtim mjekësor. Kryetari i Këshillit të Qarkut të Lezhës, Gjok Ndoka, një nga të arrestuarit për tjetërsim të pronave tek zona "Rana e Hedhun" në Shëngjin nuk ka qenë i pranishëm në seancën e djeshme gjyqësore. Për shkak të problemeve shëndetësore me zemrën, Gjok Ndoka, xhaxhai i ish- deputetit socialist Arben Ndoka ndodhej në spital për të marrë trajtim mjekësor. Rivlerësimi i masës së sigurisë ndaj tij është bërë në ambientet e spitalit. Ndaj tij është caktuar masa e sigurisë "arrest shtëpie".