Dekonspiroi operacionin për klandestinët, bie në pranga polici
Trafiku Shqipëri- SHBA, dalin para gjykatës për masën e sigurisë 39 të arrestuarit Adriatik Bakiasi dyshohet se njoftoi trafikantët për arrestimet
Një oficer policie ka përfunduar në pran ga mbrëmjen e së dielës, pasi dyshohet se dekonspiroi megaoperacionin e koduar ' One if- by land', gjatë të cilit u shkatërruan shtatë grupe kriminale që kontrabandonin shtetas shqiptarë drejt Anglisë, Shteteve të Bashkuara të Amerikës dhe Kanadasë. Konkretisht Shërbimi për Çështjet e Brendshme dhe Ankesat në Ministrinë e Brendshme ka arrestuar oficerin Adriatik Bakiasi, pasi dyshohet se i ka çuar njoftim një pjese të grupit kriminal se do të arrestoheshin. Ndërkohë ditën e djeshme pranë gjykatës së krimeve të rënda është zhvilluar seanca gjyqësore për masën e sigurisë për 39 personat e arrestuar për dërgimin e paligjshëm të shtetasve nga Shqipëria në SHBA, Kanada dhe Angli. Prokurori i dosjes, Eugen Beci, kërkon lënien në fuqi dhe vazhdimin e masës së sigurisë "arrest me burg" për të arrestuarit. Mes të dyshuarve janë edhe 4 punonjës të policisë kufitare, të cilët merrnin para nga gru- pet kriminale dhe në këmbim nuk i kontrollonin dokumentet dhe nuk regjistronin ne sistemin TIMS personat e kontrabanduar. Po kështu mësohet se dy shtetas bullgar, të cilët janë shpallur në kërkim mundësonin in- frastrukturën që realizonte falsifikimin e dokumenteve. Operacioni u finalizua para dy ditësh me lëshimin e 51 urdhërarresteve për persona të përfshirë. 39 prej tyre u arrestuan në Shqipëri, ndërsa 12 të tjerë u shpallën në kërkim. Sakaq ditën e djeshme, Policia e Shtetit ka publikuar skemën e plotë të trafikimit dhe itineraret që këto persona ndiqnin.
ARRESTIMI I OFICERIT
Mbrëmjen e së dielës Shërbimi për Çështjet e Brendshme dhe Ankesat në Ministrinë e Brendshme ka vënë në pranga oficerin e policisë Adriatik Bakiasi, pasi dyshohet se ka dekonspiruar operacionin e koduar "One if- by land". Operacion, i cili çoi në goditjen e 7 grupeve kriminale që bënin pasaporta false dhe çonin njerëz në SHBA, Kanada dhe Angli.
Operacioni u shtri në disa qytete dhe numri i të dyshuarve ishte shumë i madh, për këtë arsye SHÇBA monitoroi me shumë kujdes punonjësit e policisë, për të parandaluar nxjerrjen e sekretit. Në këtë kuadër u Ditën e djeshme pranë Gjykatës së Krimeve të Rënda është zhvilluar seanca gjyqësore për masën e sigurisë për 39 personat e arrestuar për dërgimin e paligjshëm të shtetasve nga Shqipëria në SHBA, Kanada dhe Angli. Prokurori i dosjes, Eugen Beci, kërkon lënien në fuqi dhe vazhdimin e masës së sigurisë "arrest me burg" për të arrestuarit.
morën masa në terren dhe u ndryshua tërësisht i gjithë plani operacional, i hartuar deri në ato momente për arrestimin e të dyshuarve, që jetonin në disa qytete, si Tiranë, Korçë, Lezhë, Kukës dhe Dibër. Nga verifikimet e SHÇBA në bashkëpunim me policinë, rezultoi se disa prej të dyshuarve si anëtarë të organizatës kriminale, ishin informuar nga Bakiasi, se do të përfundonin në pranga. Për këtë shkak, Policia e Shtetit, e asistuar nga policitë e disa vendeve partnere, vendosi të përshpejtonte operacionin, duke bërë të mundur arrestimin e të dyshuarve.
SKEMA E TRAFIKIMIT
Organizata kriminale, e cila dërgonte shtetas shqiptare drejt tri destinacioneve kryesore u godit pas një hetimi disa mujor nga Prokuroria për Krime të Rënda. Kundrejt pagesave të cilat varionin nga 7 mijë paund deri në 25- 30 mijë dollarë, grupet kriminale, pajisnin qytetarët me pasaporta të falsifikuara të vendeve të BE- së e në këtë mënyrë, ata udhëtonin drejt destinacioneve në katër rrugë kryesore.
Rruga kryesore e kalimit të qytetarëve, ishte nga Shqipëria në Itali- Francë- Meksikë e më pas në Shtetet e Bashkuara të Amerikës. Rruga e dytë që ndiqej ishte ajo nga vendi ynë në Malin e Zi, më pas në Serbi e Gjermani. Prej andej qytetarët udhëtonin drejt Spanjës. Nga këtu përshkonin dy rrugë. Kishte prej tyre që kalonin në Meksikë me destinacion final SHBA, ndërsa të tjerë kalonin përmes Kosta Rikës. Një rrugë tjetër e ndjekur nga trafikantët, ishte ajo e kalimit përmes Kosovës, prej andej qytetarët udhëtonin drejt Bullgarisë ose Belgjikës. Nga kjo e fundit kalonin në Republikën Domenikane e prej andej në Kanada. Ata që kalonin nga Bullgaria, udhëtonin drejt Spanjës dhe përmes Kosta Rikës hynin në Shtetet e Bashkuara të Amerikës. Policia shqiptare bën me dije se për shkatërrimin e kësaj linje rol vendimtar kanë luajtur edhe 2 agjentët speciale të Shërbimit Diplomatik të Sigurisë së Departamentit Amerikan të Shtetit, të atashuar pranë ambasadës së SHBA- ve në Tiranë.