Basha i përgjigjet Xhafajt: Gjurmo Olsi Ramën dhe Agron Xhafën
"Kanë dijeni për poseduesit e kokainës", ministri: Basha dhe Berisha të paraqesin provat "Akti i dënueshëm, po vendos prokurorinë nën tutelë"
Ministri i Brendshëm Fatmir Xhafaj i kërkoi dje drejtuesit të Prokurorisë së Krimeve të Rënda, Besim Hajdarmataj, të thërrasë kreun e PD- së Basha dhe ish- kryeministrin Berisha, si persona që kanë dijeni lidhur me poseduesit e ngarkesës prej 613 kg kokainë në Durrës. Ministri i drejtohet z. Hajdarmataj përmes një letre në të cilën i shkruan: "Dy deputetët duhen thirrur pasi kanë bërë deklarata publike se kanë dijeni se kush e zhvillon trafikun e drogës në vend dhe veçanërisht për faktet që kanë të bëjnë me poseduesit dhe përfituesit e sasisë prej 613 kg kokainë". Në shkresën e drejtuar Prokurorisë së Krimeve të Rënda, ministri Xhafaj thekson se "nga këto deklarime publike bie veçanërisht në sy fakti se nga z. Sali Berisha dhe z. Basha pretendohet qartë që ata kanë dijeni për fakte konkrete lidhur me klanet e trafikut të drogës në Shqipëri. Po sipas këtyre deklarimeve publike, rezulton se të dy këta persona kanë veçanërisht dijeni mbi poseduesit dhe përfituesit e sasisë prej 613 kilogramë kokainë të sekuestruar së fundmi në Portin e Durrësit". "Çmoj se ka interes të ligjshëm publik dhe posaçërisht për hetimin që është duke u kryer që, nga ana e institucionit që ju drejtoni, të thirren këta persona dhe të deklarojnë përpara Prokurorisë së Krimeve të Rënda, në zbatim të dispozitave të Kodit të Procedurës Penale, faktet për të cilat kanë dijeni dhe provat, që ata zotërojnë për klanet kriminale të trafikut të drogës, përfshi edhe rastin e fundit të sekuestrimit të 613 kilogramë kokainë",thuhet në letër. Ministri i Brendshëm nënvizon se është detyrim kushtetues i Berishës dhe Bashës t'i paraqesin Prokurorisë së Krimeve të Rënda faktet dhe provat që disponojnë. Kreu i PD- së Lulzim Basha i dha përgjigje ministrit të Brendshëm, Fatmir Xhafaj pas letrës së këtij të fundit për Prokurorinë e Krimeve të Rënda, që të marrë dëshminë e tij dhe të ish- kryeministrit Sali Berisha. Kreu i PD- së u pyet nëse
do të ishte në gjendje të shkonte në prokurori, ai u përgjigj që ministri Xhafaj po përpiqte ta vendoste prokurorinë nën pushtetin e tij, dhe që mjaftonte të gjurmohej Olsi Rama dhe Agron
Xhafa për të vërtetën e drogës së Maminasit. ' Kjo deklaratë, letër është një akt i dënueshëm i Fatmir Xhafajt, është vendosja de jure e prokurorisë nën tutelën e qeverisë. Informacioni më i "Dy deputetët duhen thirrur pasi kanë bërë deklarata publike se kanë dijeni se kush e zhvillon trafikun e drogës në vend dhe veçanërisht për faktet që kanë të bëjnë me poseduesit dhe përfituesit e sasisë prej 613 kg kokainë",- tha z. Xhafaj. Sipas tij Basha dhe Berisha e kanë detyrim kushtetues që të paraqesin provat.
sigurtë është prokuroria. Të hetojë dhe gjenden gjurmët e kokainës. Informacioni i dukshëm që mund të jap unë është që prokuroria të gjurmojë Olsi dhe Edi Ramën',tha Basha.