Ambasadori Lu i shkon në zyrë Berishës, ja për çfarë biseduan
"Rama riktheu në punë kushërirën e Bares"
Ambasadori
i Shteteve të Bashkuara të Amerikës Donald Lu takoi dje ish- kryeministrin Sali Berisha. Lajmi u konfirmua nga zyra e Berishës, ku thuhet se ish- kryeministri priti në një takim në zyrën e tij ambasadorin amerikan, zotin Donald Lu. Nuk ka shumë të dhëna për temën e diskutimeve, por bëhet e ditur se janë prekur një spektër i gjerë çështjesh me interes të dyanshëm dhe se diskutimet ishin të hapura. "Diskutimet ishin të hapura!", thuhet në njoftim. Po dje ish- kryeministri Sali Berisha publikoi dje denoncimin e një qytetari dixhital sipas të cilit në krye te Spitalit të Vlorës kryeministri Rama, riktheu si drejtore Bruna Mersinin. Sipas denoncimit, "e proceduar nga kontrolli i shtetit pa dëshmi penaliteti sot u rikthye në krye të spitalit nga krimineli Aldo Bare të cilin e ka djalë teze". "Për Ed- vinin korrupsioni është meritë! E largojnë nga detyra për korrupsion, e rikthejnë po aty me ryshfet!", shprehet z. Berisha. "Po ju vë në dijeni dhe dua që këtë fakt ta bëni publik në parlamentin shqiptar dhe në të gjitha institucionet. Në krye të spitalit të Vlorës kryeministri Rama, riktheu si drejtore Bruna Mersinin. Bruna Mersini u pushua në maj të 2017 nga vetë Rama si person me precedent penal, dënuar nga gjykata shqiptare. Ajo u rendit e treta në listën e publikuar nga Rama si personi më i korruptuar nga dëgjesat e bëra me popullin. E proceduar nga kontrolli i shtetit pa dëshmi penaliteti sot u rikthye në krye të spitalit nga krimineli Aldo Bare, të cilin e ka djalë tezeje. Vetëm nga presioni i kriminelit Aldo Bare ajo u rikthye përsëri në krye të spitalit në konkurse të tipit Rama, ku konkursi u bë vetëm me Bruna Mersinin. Ju lutem, denoncojeni këtë fakt të paprecedent në administratën shqiptare. Ju lutem, verifikoheni problemin për vërtetësinë e ankesave të mia",- thuhet në mesazhin e qytetarit dixhital.