Teatri i ri, artistët: Xhungël urbane
Aktorët e njohur kundër 6 kullave: Të mos bëhet me PPP, ka para që ta ndërtojë shteti Robert Ndrenika: Jo partneritet me privatin. Liçaj: Silluni si të majtë!
Projekti i arkitektit dan ez Bjarke Ingels për Teatrin e ri Kombëtar, që u prezantua nga kryeministri Rama, ka hasur në kundërshtimet e ashpra të komunitetit artistik. Projekti parasheh një godinë tri katesh me biznese brenda, që për t'u ndërtuar do t'i japë sipërmarrësve lejen për 6 kulla të larta afër saj. Ndonëse kryeministri tha se teatri nga 3 mijë metra bëhet 9 mijë metra ( tashmë prej 3 kateve), artistët kanë 1 muaj që flasin për 6 mijë metra truall të teatrit, që më projektin e ri, i humb 3 mijë, të cilat duket se do të shërbejnë si ' pagesë' për ndërtimin e një godine me beton e xham. E denjë për shumë qytete të botës, pjesëtarë të komunitetit artistik, e gjejnë pa vend.
REAGIMET E ARTISTEVE ROBERT NDRENIKA
Dy prej figurave më të zëshme kundër shembjes së Teatrit Kombëtar, të cilët e kanë kundërshtuar projektin Rama që në gjenezë ishin Robert Ndrenika dhe Bujar Asqeriu.
"Kryesja është se mua më shqetëson shumë ai partneriteti me privatin. Unë jam i bindur se shteti nuk e ka problem të ndërtojë një Teatër Kombëtar. Dhe këtë nuk ma heq njeri nga mendja. Shembull kam. Shteti fqinj Maqedonia, që nuk po e respekton Marrëveshjen e Ohrit, që nuk po i respekton shqiptarët, ama po iu ndërton atyre një teatër. Po e bën vetë, pa partneritet publik privat.
Prandaj do iu lutesha shumë kryeministrit, zonjës ministre që të heqin dorë nga partneriteti privat dhe të gjejnë fonde. Kjo mund të bëhet. Sepse kjo që është këtu, ishte një dyndje, një xhungël urbane. Ajo u duk e bukur se duket si kartolinë, por do të shihni se çdo të bëhet. Pra, unë jam i mendimit, që të shtyhet edhe ca kohë, nëse duhet. Por ama shteti të ndërtojë Teatrin e ri Kombëtar", deklaroi aktori i madh, Robert Ndrenika.
BUJAR ASQERIU
Për sa i përket projektit të prezantuar nga kryeministri Rama, Bujar Asqeriu theksoi se në atë takim artistët u fyen, pasi iu prezantua një projekt pa u konsultuar më parë.
"Shpejtësia me të cilën u paraqit ai projekt, pa asnjë konkurs, më duket se ishte i gabuar. Dhe i gjykuar në këtë sens, është jo vetëm i gabuar, por me shumë gabime brenda. Dhe pa u konsultuar dhe pa marrë mendimin e atyre që ishin të ftuar aty të paktën, është një fyerje shumë e madhe. As i pyeti, as asgjë, punë e tij si e mendon. Teatri ekzistues është i kalbur në të gjitha drejtimet, sepse prej vitesh nuk është hedhur asnjë gjë. Por cila është më e rrezikshmja? Më e rrezikshmja për mua, në tërë prapavijën e Teatrit, gëlojnë viruse shumë të rrezikshme jo vetëm për aktorët, por edhe për spektatorët. Prandaj rikonstruksioni i atij teatri duhet të jetë me themel", tha Asqeriu.
ARBEN DERHEMI
Aktori Arben Derhemi ishte njëri prej artistëve që u la jashtë takimit me kryetarin e qeverisë. Më pas, ai sqaroi se ishte "një mbledhje për të diskutuar për projektin e djeshëm. Ne që s'ishim, ne armiqtë e klasës, pati urdhër nga drejtori që nuk na u lejua të hyjmë në godinën e TK. D. m. th. aty ku ne punojmë nuk lejohemi të hyjmë. Një projekt, i cili nuk ka lidhje me klasikun e TK. Me qelq e pamë TK, shiheshin aktorët se si visheshin, se si zhvisheshin, do të futen nga poshtë kur t'i zërë shiu. U kënaqëm ne".
ANILA BISHA
Ndonëse kishte mes "Nga se vuajnë aktorët, mos duhet tua shpërndajë qeveria rolet? Mos duhet të ringrejmë Kinostudion Shqipëria e re dhe të rihapim punë? Mos duhet që t'u vëmë tapetin e kuq e të vijnë të bëjnë shfaqje, përse? Beteja është komplet pa përmbajtje, siç është pa përmbajtje e gjithë mënyra juaj e degradimit të debatit",- deklaroi Rama në Kuvend.
artistëve që e pëlqyen projektin, ata dolën kundër sjelljes së kryeministrit me artistët. "Përmes mediave pamë një shfaqje shumë të shëmtuar të kryeministrit, një tallje që ai bëri me të gjithë komunitetin tonë dhe një arrogancë të madhe",- u shpreh Anila Bisha.
NERITAN LIÇAJ
Aktori Neritan Liçaj e ka parë "shfaqjen" e Ramës për Teatrin e ri Kombëtar nga televizori.
"Nuk kuptova shumë. Do ishte mirë që ta kisha parë atje, po nuk ka rëndësi. Shumë mirë bënë që s' më thirrën, e panë kolegët e mi e shumë mirë bënë që shkuan në prezantim. Nuk kam asnjë kundërshtim. Mirë është të tregohen projektet, se deri tani jemi mbajtur pak në mjegull, me deklarata e kundërdeklarata. Më shumë se sa me projektin dua të merrem pak me këtë filozofinë e tri P- ve që na është kthyer gogol në Shqipëri. Partneriteti publik privat, dhe sinqerisht habitem pse duhet të jetë kudo. Nuk jam kundër po pse duhet të jetë kudo? Pse duhen futur qofte në Butrint, pse duhet prishur teatri dhe i duhet dhënë biznesit disa metra? Tek institucionet kombëtare duhet të jesh ti si shtet, te Stadiumi Kombëtar, te Teatri Kombëtar, te Opera Kombëtare, te Galeria Kombëtare, te Biblioteka Kombëtare. Sepse qeveritarët për veten kanë para për udhëtime në klas të parë e më gjerë, por jo për institucionet. Po pse kur vjen puna të arti e kultura nuk ka lekë, mua kjo më shqetëson".
Duke rivënë theksin te humbja e truallit, Liçaj shtoi se kjo është qeverisje e majtë dhe kryeministri duhet të jetë më pranë qytetarëve jo pranë biznesit siç po bën. Madje bën mirë që rri pranë biznesit, por jo vetëm për biznesin.
KASTRIOT ÇIPI
Ish- drejtori i teatrit Eksperimental, Kastriot Çipi, përmes një postimi në rrjetin social "Facebook" ngriti pyetjen se a është plagjiaturë e arkitektit danez apo paljaçatë e pushtetit?
Çipi ka shkruar se projekti i Ramës për TK është, në fakt, projekti i studios ukrainase "Forma", fitues i çmimit të tretë ( pra i skualifikuar) në konkursin për Operën e Busanit në Korenë e Jugut.
GENC FUGA
Aktori i njohur Genc Fuga prej kohësh është anëtar i Partisë Socialiste. Ai e mori teserën në një nga takimet që transmetoheshin drejtpërdrejt të kryeministrit, jo pa batuta. Kohë më vonë, raporti i tij me PS- në, nuk duket i njëjti. Fuga, ishte një prej zërave kundërshtarë sa i takon ligjit të ri për artin dhe kalimit të trupës së aktorëve nga godina e TK- së në qendër, tek ambientet e Turbinës. 1 muaj më vonë, ai është kandidat për drejtor i Teatrit Kombëtar, e me gjithë sa më lart, në takimin e ditës së hënë ku artistët qenë thirrur për t'u prezantuar projektin e godinës së re të TK- së, Fuga, nuk u thirr.
I pyetur nëse si formë proteste, artistët do lënë shfaqjet, do bëjnë grevë apo do të mbajnë çfarëdo lloj organizimi tjetër kundërshtues ndaj projektit, ai tha se nuk kanë një strategji të qartë.
Më pas, "GSH", këmbënguli të dijë, të ardhmen e raporteve të tij me PS. Pyetjes nëse pas gjithë kësaj që ka ndodhur, a do ta dorëzoje ai teserën e partisë, Fuga iu përgjigj: "Nuk mendoj që është ky diskutimi. Jam futur për një ideal të caktuar. Të mbarojë edhe lufta eidealit, pastaj pse jo. Por të shterojnë të gjitha mjetet e mia personale të luftës".