Gaz lotsjellës për demarkacionin, miratohet në darkë në Kuvend

Ndërpritet seanca, Delawie: I zhgënjyer, s'është sjellje e shtetit europian Deputeti që hodhi gazin: E kisha detyrim

Kuvendi i Kosovës mbajti dje seancën ku pritej të votohej projektligji për demarkacionin e kufirit me Malin e Zi. Seanca u shoqërua me debat dhe tensione, ndërsa deputetët e Vetëvendosje- s kanë hedhur gaz lotsjellës dhe seanca është ndërprerë disa herë. Për të tretën herë në Kuvendin e Kosovës, Lëvizja Vetëvendosje ka gjuajtur me gaz lotsjellës në sallë. Edhe më herët, deputetët e partisë së Albin Kurtit, gjuajtën gazin lotsjellës, ndërsa disa prej tyre janë përjashtuar. Pas hedhjes së gazit lotsjellës seanca është ndërprerë sërish. Ndërkohë që prokurori kujdestar i Prokurorisë Themelore të Prishtinës ka dhënë urdhër për arrestimin e deputetëve që kanë hedhur gaz lotsjellës në Kuvendin e Kosovës ku pritej të miratohej edhe demarkacioni. Pas urdhrit, policia e Kosovës filloi arrestimet e deputetëve të Vetëvendosjes në sallën e Kuvendit. Ndërkohë kryetari i Kuvendit, Kadri Veseli ka bërë të ditur se edhe Kryesia ka marrë vendim për përjashtimin e pesë deputetëve të Kosovës. Bëhet fjalë për deputetët; Xhelal Sveçla, Fitore Pacolli, Drita Millaku, Salih Zyba, Liburn Aliu. Të njëjtit gjuajtën dy herë radhazi gaz lotsjellës në momentin kur pritej të dilte në votim Marrëveshja. Kuvendi i Kosovës ka ndërprerë dy herë seancën e Kuvendit, në të cilën parashihej që të votohej marrëveshja për demarkacionin me Malin e Zi. Por, nga ana tjetër, hedhja e gazit lotsjellës në Kuvend ka sjellë shumë reagime nga të huajt që e ndoqën seancën e djeshme. Sipas ambasadorit amerikan në Prishtinë, Greg Delawie, kjo nuk është sjellje e një shteti evropian. Ai ka qenë duke ndjekur nga afër punimet e Kuvendit të Kosovës për ratifikimin e demarkacionit, por është shprehur i zhgënjyer me aktin e deputetëve opozitarë të Lëvizjes Vetëvendosje që kanë hedhur gaz lotsjellës në Kuvend për të ndërprerë votimin për ratifikimin e Marrëveshjes së demarkacionit të kufirit ndërmjet Kosovës dhe Malit të Zi. "Më duhet të them se sot ishte një zhgënjim i madh për mua, "Më duhet të them se sot ishte një zhgënjim i madh për mua, sepse mendoj që njerëzit, të cilët nuk kanë kurrfarë ideje dhe idetë e të cilëve kanë bankrotuar, i kthehen dhunës. Kjo nuk guxon të ndodhë në shtet evropian. Hedhja e gazit lotsjellës nuk është sjellje evropiane" tha Delawie. "Është obligim i yni të përcjellim dhe të pasqyrojmë vullnetin e mbi 205.000 nënshkrimeve kundër faljes së tokës. Është obligim edhe ndaj të kaluarës, të tashmes dhe të ardhmes!",- ka shkruar Sveçla në "Facebook". sepse mendoj që njerëzit, të cilët nuk kanë kurrfarë ideje dhe idetë e të cilëve kanë bankrotuar, i kthehen dhunës",- tha Delawie. "Kjo nuk guxon të ndodhë në një shtet evropian. Hedhja e gazit lotsjellës nuk është sjellje evropiane",- theksoi ai. "Do t'i ftoja të gjithë deputetët të kthehen në Kuv- end dhe të votojnë për ratifikimin e demarkacionit dhe të votojnë për rrugën evropiane dhe përparimin e Kosovës",- tha ambasadori amerikan. Kosova ka mbetur e lidhur për një kohë të gjatë me këtë çështje dhe se ajo duhet të mbyllet sot, ka porositur ai. Për hedhjen e gazit lotsjellës në Kuvend nga Lëvizja Vetëvendosje, ka reaguar edhe komisioneri evropian për zgjerim, Johannes Hahn. "E dënoj fuqishëm përdorimin e gazit lotsjellës. Një sjellje e tillë nuk ka vend në demokraci. Në këtë ditë të rëndësishme, liderët kosovarë duhet të jenë të përgjegjshëm dhe ta votojnë marrëveshjen e demarkacionit. Qytetarët e tyre vetëm mund të përfitojnë nga ky hap drejt liberalizimit të vizave",- ka thënë Hahn. Nuk ka munguar as reagimi i deputetit të Vetëvendosjes, Xhelal Sveçla, i cili së bashku me deputeten Fitore Pacolli hodhën gaz lotsjellës në seancën e Kuvendit të Kosovës. Ai me anë të një statusi në "Facebook" është shprehur: "Është obligim i yni të përcjellim dhe të pasqyrojmë vullnetin e mbi 205.000 nënshkrimeve kundër faljes së tokës. Është obligim edhe ndaj të kaluarës, të tashmes dhe të ardhmes!", ka shkruar Sveçla në "Facebook". Ndërsa presidenti i Kosovës, Hashim Thaçi, i ka quajtur pamje të tmerrshme të Kosovës në botë hedhjen e gazit lotsjellës në Kuvend. "Dhuna në Kuvend është e patolerueshme dhe pamje e tmerrshme për Kosovën në botë. I ftoj deputetët që të vazhdojnë me punën e tyre, pavarësisht taktikave të rrezikshme të kundërshtarëve të liberalizimit të vizave. Demarkacioni duhet të kalojë sot. Kjo është ajo që presin qytetarët e vendit, pa dallim partie apo etnie", shkruan ndër të tjera Thaçi.